ܡܪܝ ܕܢܚܐ ܪܒܝܥܝܐ

From Wikipedia

ܓܪܘܣ
	ܐܗܐ ܦܐܬܐ ܣܢܟܬܐ ܠܚܝܢܐ ܦܘܠܚܢܐ!

ܡܪܝ ܕܢܚܐ ܪܒܝܥܝܐ ܝܠܗ ܦܛܪܝܪܟܐ ܕܥܕܬܐ ܕܡܕܢܚܐ ܕܐܬܘܪ̈ܝܐ܂ ܦܝܫ ܠܗ ܝܠܝܕܐ 15 ܒܐܝܠܘܠ 1935 ܠܡܪܢ، ܓܘ ܩܪܝܬܐ ܕܕܪܒܢܕܘܟܐ܀

Contents 1 ܬܫܥܝܬܐ 1.1 ܒܝܬܘܬܗ 1.2 ܫܘܪܝܐ ܚܝܗ 2 ܦܠܚܢܐ 2.1 ܬܦܩܬܐ ܡܼܢ ܦܦܐ ܕܪܘܡܐ 2.2 ܬܦܩܬܐ ܡܼܢ ܡܪܝ ܪܦܝܠ ܒܕܒܕ ܩܕܡܝܐ 3 ܐܕܝܘܡ 4 ܐܦ ܚܙܝ 5 ܣܗܕܘܬܐ

[ܫܚܠܦ] ܬܫܥܝܬܐ

ܚܢܢܝܐ (ܡܪܝ ܕܢܚܐ) ܦܝܫ ܠܗ ܝܠܝܕܐ 15 ܒܐܝܠܘܠ 1935 ܠܡܪܢ، ܓܘ ܡܬܐ ܕܕܪܒܢܕܘܿܟܐ ܕܒܢܦܠܐ ܝܠܗܿ ܓܘ ܟܪܟܐ ܓܪܒܝܝܐ ܕܐܬܪܐ ܕܒܝܬ ܢܗܪܝܢ، ܒܗܘܦܪܟܝܐ ܕܐܪܒܝܠ ܓܘ ܥܪܩ܂ ܡܬܐ ܕܕܪܒܢܕܘܟܐ ܝܗܘܬ ܪܒܐ ܙܥܘܪܬܐ܂ ܟܐ ܚܝܝ ܗܘܘܓܘܗܿ ܐܝܟ 14 ܟܠܦܬ̈ܐ ܓܘ ܚܕ ܫܒܒܘܬܐ ܒܣܝܡܬܐ ܘܚܘܒܢܬܐ܂ ܫܡܐ ܥܡܕܐ ܕܡܪܝ ܕܢܚܐ ܝܠܗ ܚܢܢܝܐ، ܐܒܗܘܗ̈ܝ ܝܗܘܘ ܐܢܕܪܐܘܣ ܘܦܢܐ، ܘܣܒܗ ܝܗܘܐ ܩܫܝܫܐ ܒܢܝܡܝܢ ܒܪ ܩܫܝܫܐ ܣܒܪܘ ܕܒܝܬ ܡܪܝ ܕܢܚܐ ܗܘ ܕܝܗܘܐ ܡܠܦܢܘܗܝ ܩܕܡܝܐ܀^[1]

[ܫܚܠܦ] ܒܝܬܘܬܗ

ܡܼܢ ܫܪܒܬܐ ܕܒܝܬ ܡܪܝ ܕܢܚܐ ܩܝܡܐ ܝܢܐ 18 ܐܦܣܩܘܦ̈ܐ ܥܠ ܕܐܗܐ ܟܘܪܣܝܐ܂ ܗܿܘ ܐܦܣܩܘܦܐ ܐܚܪܝܐ ܝܗܘܐ ܓܘ ܨܘܠܕܘܨ ܒܐܬܪܐ ܕܐܝܪܢ، ܗܿܘ ܕܒܫܢܬܐ ܕ1915 ܦܫ ܠܗ ܕܒܝܩܐ ܓܘ ܡܕܝܢܬܐ ܕܐܘܪܡܝ ܘܥܡܗ 40 ܥܠܝܡ̈ܐ ܐܬܘܪ̈ܝܐ܂ ܟܠܝܗܝ ܦܝܫܠܗܘܢ ܡܘܣܠܩܐ ܠܛܘܪܐ ܕܝܗܘܕܝ̈ܐ ܕܒܢܦܠܐ ܝܠܗ ܒܬܪ ܡܬܐ ܕܟܗܪܒܚܫ ܩܘܪܒܐ ܠܥܘܡܪܐ ܕܡܪܝ ܩܘܪܝܩܘܣ ܐܝܟܐ ܕܩܘܫܠܗܘܢ ܟܠܝܠܐ ܕܣܗܕܘܬܐ ܟܕ ܦܝܫܠܗܘܢ ܩܛܝܠܐ، ܐܚܟܝ ܬܪܝܢ ܥܠܝܡ̈ܐ ܡܢܝܗܐ ܦܪܝܩܠܗܘܢ ܡܼܢ ܩܛܠܐ܂ ܡܼܢ ܕܐܗܐ ܒܝܬܘܬܐ ܦܝܫܐ ܝܠܗ ܡܘܢܙܪܐ ܡܼܢ ܟܪܣ ܐܡܗ ܚܢܢܝܐ (ܡܪܝ ܕܢܚܐ) ܗܿܘ ܕܦܝܫܠܗ ܝܠܝܕܐ ܒܣܝܩܘܡܐ ܡܘܕܟܪܐ ܠܥܠ܀^[2]

[ܫܚܠܦ] ܫܘܪܝܐ ܚܝܗ

ܒܫܢܬܐ ܕ1947 ܟܕ ܚܢܢܝܐ ܒܪ 12 ܫܢ̈ܐ ܦܝܫܐ ܝܠܗ ܠܘܒܠܐ ܒܝܕ ܣܒܗ ܩܫܝܫܐ ܒܢܝܡܝܢ ܠܡܬܐ ܕܗܪܝܪ ܒܥܪܩ ܠܘܬ ܚܣܝܐ ܡܪܝ ܝܘܣܦ ܚܢܢܝܫܘܥ ܡܝܛܪܦܘܠܝܬܐ ܘܩܝܘܡܐ ܦܛܪܝܪܟܝܐ، ܐܝܟܐ ܕܦܝܫܐ ܡܘܩܪܝܐ ܒܟܬܒܐ ܩܕܝܫܐ ܘܡܘܠܦ ܢܘܗܪ̈ܐ ܘܬܐܘܠܘܓܝܐ ܕܥܕܬܐ ܥܡ ܛܟܣܐ ܕܨܠܘܬܐ ܘܐܪ̈ܙܐ ܩܕܝܫ̈ܐ ܘܩܢܘܢ̈ܐ ܕܥܕܬܐ ܘܫܪܟܐ ܕܝܘܠܦܢܐ ܪܘܚܢܝܐ܂ ܡܼܢ ܒܬܪ ܕܗܘܐ ܠܗ ܓܡܝܪܐ ܒܝܘܠܦܢܐ ܥܕܬܢܝܐ ܚܢܢܝܐ ܦܝܫܐ ܝܠܗ ܣܝܡܐ ܡܫܡܫܢܐ 12 ܒܐܝܠܘܠ ܒܫܢܬܐ ܕ1949 ܒܝܬ ܛܘܒܬܢܘܬܗ ܡܪܝ ܝܘܣܦ ܚܢܢܝܫܘܥ ܡܝܛܪܦܘܠܝܛܐ، ܘܒܝܘܡ 15 ܬܡܘܙ ܒܫܢܬܐ ܕ1957 ܒܝܘܡܐ ܕܕܘܟܪܢܗ ܕܡܪܝ ܩܘܪܝܩܘܣ ܣܗܕܐ، ܡܫܡܫܢܐ ܚܢܢܝܐ ܦܝܫܐ ܝܠܗ ܣܝܡܐ ܟܗܢܐ ܩܐ ܡܪܥܝܬܐ ܕܒܨܪܐ ܒܥܪܩ܂ ܒܐܗܐ ܥܕܢܐ ܟܕ ܒܗܘܝܐ ܝܠܗܿ ܣܢܝܩܘܬܐ ܠܚܕ ܟܗܢܐ ܓܘ ܐܬܪܐ ܕܐܝܪܢ ܒܡܕܝܢܬܐ ܕܥܒܕܐܢ، ܩܫܝܫܐ ܚܢܢܝܐ ܦܝܫܐ ܝܠܗ ܡܫܘܕܪܐ ܒܝܕ ܛܘܒܬܢܘܬܗ ܡܪܝ ܝܘܣܦ ܠܐܬܪܐ ܥܗܝܕܐ ܠܡܠܝܐ ܗܿܝ ܣܦܝܩܘܬܐ܂ ܓܘܐ ܓܘ ܥܣܩܘܝܬ̈ܐ ܩܫ̈ܝܐ ܕܗܘܦܪܟܝܐ ܡܘܕܟܪܬܐ ܗܿܝ ܕܦܝܫܬܐ ܝܗܘܬ ܐܝܟ ܐܪܥܐ ܒܝܪ ܠܡܬܚܐ ܝܪܝܟܐ ܕܙܒܢܐ ܕܠܐ ܚܦܪܐ ܘܕܠܐ ܙܪܥܝܐ، ܡܨܐ ܠܗ ܩܫܝܫܐ ܚܢܢܝܐ ܣܢܝܕܐ ܒܥܘܕܪܢܐ ܐܠܗܝܐ ܘܒܨܠܘܬܐ ܫܡܝܥܬܐ ܕܡܠܦܢܘܗܝ ܩܕܝܫܐ ܡܪܝ ܝܘܣܦ ܚܢܢܝܫܘܥ ܡܨܐ ܠܗ ܓܘܐ ܓܘ ܟܠܝܗܝ ܐܢܐ ܥܣܩܘܝܬ̈ܐ ܕܛܪܐ ܡܪܟܒܬܐ ܕܚܘܦܛܘܗܝ ܩܫܝܐ ܟܕ ܒܦܠܚܐ ܘܒܚܦܪܐ ܘܒܙܪܥܝܐ ܘܒܥܝܕܐ ܠܚܩܠܐ ܒܝܪ ܕܡܓܝܢܗܿ ܙܪܥܐ ܛܒܐ ܘܕܝܗܒܗܿ ܦܐܪ̈ܐ ܫܦܝܪ̈ܐ܀^[3]

[ܫܚܠܦ] ܦܠܚܢܐ

ܢܝܫܐ ܕܡܪܝ ܕܢܚܐ ܡܼܢ ܩܕܡ ܣܝܡܝܕܐ ܝܘܐ ܒܢܝܬܐ ܕܚܘܝܕܐ ܒܥܠ ܥܬܕܬ̈ܐ܀

[ܫܚܠܦ] ܬܦܩܬܐ ܡܼܢ ܦܦܐ ܕܪܘܡܐ

ܦܛܪܝܪܟܐ ܡܪܝ ܕܢܚܐ ܪܒܝܥܝܐ ܓܘ ܫܢܬܐ ܕ1994 ܬܦܩܘܠܗ ܡܼܢ ܡܪܝ ܝܘܚܢܢ ܦܘܠܘܣ ܬܪܝܢܐ ܦܦܐ ܥܕܬܐ ܩܬܘܠܝܩܝ ܕܪ̈ܗܘܡܝܐ܀

[ܫܚܠܦ] ܬܦܩܬܐ ܡܼܢ ܡܪܝ ܪܦܝܠ ܒܕܒܕ ܩܕܡܝܐ

[ܫܚܠܦ] ܐܕܝܘܡ

ܐܕܝܘܡ ܩܕܝܫܘܬܗ ܒܚܝܠܗ ܓܘ ܡܕܝܢܬܐ ܕܫܝܟܓܘ܀

[ܫܚܠܦ] ܐܦ ܚܙܝ

• ܕܪܒܢܕܘܟܐ
• ܡܪܝ ܝܘܣܦ ܚܢܢܝܫܘܥ
• ܥܕܬܐ ܩܕܝܫܬܐ ܘܫܠܝܚܝܬܐ ܩܬܘܠܝܩܝ ܕܡܕܢܚܐ ܕܐܬܘܪ̈ܝܐ

[ܫܚܠܦ] ܣܗܕܘܬܐ

1. ↑ ܟܬܒܐ ܕܚܘܪܙܐ ܕܙܘܝܚܐ ܕ30 ܫܢ̈ܐ ܠܣܝܡܝܕܐ ܕܩܕܝܫܘܬܐ ܡܪܝ ܕܢܚܐ ܪܒܝܥܝܐ ܠܕܪܓܐ ܩܕܝܫܐ ܘܡܥܠܥܐ ܩܬܘܠܝܩܐ ܦܛܪܝܪܟܐ
2. ↑ ܟܬܒܐ ܕܚܘܪܙܐ ܕܙܘܝܚܐ ܕ30 ܫܢ̈ܐ ܠܣܝܡܝܕܐ ܕܩܕܝܫܘܬܐ ܡܪܝ ܕܢܚܐ ܪܒܝܥܝܐ ܠܕܪܓܐ ܩܕܝܫܐ ܘܡܥܠܥܐ ܩܬܘܠܝܩܐ ܦܛܪܝܪܟܐ
3. ↑ ܟܬܒܐ ܕܚܘܪܙܐ ܕܙܘܝܚܐ ܕ30 ܫܢ̈ܐ ܠܣܝܡܝܕܐ ܕܩܕܝܫܘܬܐ ܡܪܝ ܕܢܚܐ ܪܒܝܥܝܐ ܠܕܪܓܐ ܩܕܝܫܐ ܘܡܥܠܥܐ ܩܬܘܠܝܩܐ ܦܛܪܝܪܟܐ