Boarische Grammatik (Pronomen)

Aus Wikipedia

Der Artikl do gheart zua Artiklsammlung iba'd Grammatik vo da Boarischn Sproch. A Ibasicht iba olle Artikl zum Thema findt ma in Boarische Grammatik.

Thema vo dem Artikl han de Pronomen.

Inhaltsverzeichnis

1 Personalpronomen
2 Vawendung vom Genetiv
3 Possessivpronomen
4 Relativpronomen
5 Indefinitpronomen und unbestimmte Zòhlwerter
6 Åbkirzunga

[dro werkln] Personalpronomen

[dro werkln] Singular

Fòll	Person	Standarddaidsch	Boarische Vollforma	Boarische Suffix-/Kurzforma
Nominativ	1. Person	ich	i	-ĕ/-ă
Genetiv	1. Person	meiner	meină
Dativ	1. Person	mir	miă	-mă
Akkusativ	1. Person	mich	mi	-mĕ

Nominativ	2. Person	du	du	-d
Genetiv	2. Person	deiner	deină
Dativ	2. Person	dir	diă	-dă
Akkusativ	2. Person	dich	di	-dĕ

Nominativ	3. Person	er, sie, es	eă/deă, si/de/NB: dej, s/es/dees	-ă, -s/-să, -s/-să
Genetiv	3. Person	seiner, ihrer, seiner	seină, iără, seină
Dativ	3. Person	ihm, ihr, ihm	eăm, iără/iă, eăm
Akkusativ	3. Person	ihn, sie, es	eăm/eăn, si/de/NB: dej, s/es/dees	-(ă)n/-nă(n), -(ă)s, -(ă)s
Reflexiv	3. Person	sich	si	-sĕ

[dro werkln] Plural

Fòll	Person	Standarddaidsch	Boarische Vollforma	Boarische Suffix-/Kurzforma
Nominativ	1. Person	wir	miă	-mă
Genetiv	1. Person	unser	unsă/Sid-MB+SB: insă
Dativ	1. Person	uns	uns/Sid-MB+SB: ins
Akkusativ	1. Person	uns	uns/Sid-MB+SB: ins

Nominativ	2. Person	ihr	ees/iă/NB: enk(s)/(de)ets/diăts	-s
Genetiv	2. Person	euer	enkă/aiă/aichă
Dativ	2. Person	euch	enk/aich
Akkusativ	2. Person	euch	enk/aich

Nominativ	3. Person	sie	si/de/NB: dej	-s, -să
Genetiv	3. Person	ihrer	eănă
Dativ	3. Person	ihnen	eănă/eă/dene/NB àà: deăne
Akkusativ	3. Person	sie	si/de/NB: dej	-s, -ăs
Reflexiv	3. Person	sich	si	-sĕ

[dro werkln] Heflichkeitsform

Fòll	Person	Standarddaidsch	Boarische Vollforma	Boarische Suffix-/Kurzforma
Nominativ	Heflichkeitsform	Sie	Si/Se	-S, -Să
Genetiv	Heflichkeitsform	Ihrer	Eănă
Dativ	Heflichkeitsform	Ihnen	Eănă
Akkusativ	Heflichkeitsform	Sie	Eănă	-s, -ăs
Reflexiv	Heflichkeitsform	Sich	Eănă

[dro werkln] Beispüle mit de Personalpronomen

Sie haben sich ganz schön vertan!

Dee hâmd si gscheid vàdâ!

Da haben sie sich aber ganz schön vertan!

Do hâm sà si åwa gscheid vàdâ!

Wia mà segd, wiad im zwoadn Såtz des "sie" ois "sà" ausdruggd. In dea Såtzstellung kamma des àà need ândàsd schreim.

Hast du es schon erledigt?

Hosd às schâ gmochd?

Hast du sie schon angerufen?

Hosdàs schâ âgruafa?

Wia mà segd, wiad dees Woad fia "sie" und dees fia "es" bei dera Såtzstellung duach oa und dessêiwe Woad ausdruggd: Nämli duach "às", wobei des "à" bei da femininen Foam nua ois Bindevokal ân dees "hosd" städ.

D Heflichkeitsform:

"Haben Sie sich angeschnallt?", fragt der Polizist.

"Hâm S Eana âghengt?", frogd da Bolizisd.

"Wir bringen Sie nach Hause; es ist schon spät!"

"Mia foma Eana hoam; s is schâ schbod!"

"Sie kenne ich!"

"Eana keen i!"

[dro werkln] Vawendung vom Genetiv

Dean gits nu bå de Singular-Personalpronomen hinter Präpositionen, beispülsmässe: "wecha meiner, ohne deiner, hinter seiner" (gmoant is dòu òllawàl d Person sölwa, nix wos ihra ghèjert). Haintzadooch nimmt ma ower èjer en Dativ. De Plural-Personalpronomen kumma fir in Wendunga wej: "Mir wòrn unser sieme", des hoißt: "Mir wòrn siem Lait."

[dro werkln] Possessivpronomen

Standarddaitsch	Boarisch
mein	mei
dein	dei
sein, ihr, sein	sei, iără/iă, sei
unser	unsă/Sid-MB+SB: insă/Nord-NB: unnă
euer	enkă/aiă/aichă
ihr	eănă/iă

[dro werkln] Relativpronomen

Dialekt: Westlichs Nordboarisch

Im Boarischn wern d Relativadverbien wo (NB: wòu) und wòs zåmma mit de Relativpronomen der, de (NB: dej), des fir Relativsetz hergnumma. In de Dialekte in Òltbayern stèjt normòlerweis wo, ner bå sechliche Såchn kåå àà wòs stej. In de meistn Dialekte in Esterreich stèjt dòu iweròll wòs.

Wenn da Kàsus im Hàptsåtz und im Neemsåtz gleich is, nòu kåå des Relativpronomen weggafòlln:

entweder: Da Måå, der wòu a Kåtz hòut.
oder: Da Måå, wòu a Kåtz hòut.

Ånsunstn bleibt es Relativpromonen drinnat:

I siah an Måå, der wòu a Kåtz hòut.
Da Måå, dean wòu i a Kåtz gschenkt ho.

Relativsetz kumma ower im Boarischn niat su oft fir wej in da Stàndardspròuch, wàl gern àà neemgordnete Setz vawendt wern, wenns pàsst:

Mit an Relativsåtz: Dòu is a Måå, der wòu a Kåtz hòut.
Mit aran neemgordnetn Såtz: Dòu is a Måå, der hòut a Kåtz.

Firn Genetiv stèjt da Dàtiv mit an Possessivpronomen:

Da Måå, deam sei Kåtz ooghaut is.

Stàndarddaitsch	Boarisch in Òltbayern	Boarisch in Esterreich
der Mann, der	der wo	der wòs
die Frau, die	de wo	de wòs
das Kind, das	des wo	des wòs
das Auto, das	des wo/wòs	des wòs

[dro werkln] Indefinitpronomen und unbestimmte Zòhlwerter

Indefinitpronomen bezeichna Lait und Såchn, bå deane des Genus und d Zòhl niat festglegt hàn.

In da Spòltn "Bedaitunga/Standarddaitsch" stenga dàlweis koane genaua Entsprechunga, wàls sechtane zwischa standarddaitsch und boarisch niat immer git. D Àfstöllung is ner a Iwersicht iwer de wichting Werter.

Bedaitunga/Standarddaitsch	Boarisch ohne Substantiv	Boarisch mit Substantiv
alle	òlle	òlle Månner, Fraua, Kinder
alles	òllas/òiss	----
die ganzen/sämtliche	de gånzn/de sämtlichn	de gånzn/de sämtlichn Månner, Fraua, Kinder
jeder	a jeder, a jede, a jeds	a jeder Måå, a jede Frau, a jeds Kind
viele/eine Menge	vül/a(n) Hàffa	vül/a(n) Hàffa Månner, Fraua, Kinder
vieles	vül/vui/vüü	----
die meisten	de mèjerern/mehrern/meistn	de mèjerern/mehrern/meistn Månner, Fraua, Kinder
manche/mehrere	månche	månche Månner, Fraua, Kinder
etliche	etla/etle/etliche	etla/etle/etliche Månner, Fraua, Kinder
einige	ôa/ôi/ââ/an etla	ôa/an etla Månner, Fraua, Kinder
ein paar	a bòr	a bòr Månner, Fraua, Kinder
wenig	weng/wenich	weng/wenich Månner, Fraua, Kinder
ein wenig/ein bisschen/etwas	a weng(al)/a biss(a)l	a weng a/a bissl a Göld
beide	òlle zwoa	òlle zwoa Månner, Fraua, Kinder
einer	oaner, oane, oans	oa Måå, Frau, Kind
etwas	ebb(a)s/wos	----
jemand	ebber/wer	----
keiner	koaner, koane, koans	koa Måå, Frau, Kind
niemand	neamads/neamd/neamds	----
nichts	nix	----