Code-Switching
Aus Wikipedia
Der Àrtikl is im Dialekt „Owaöstareichisch“ gschriem worn. |
Code-Switching sågt ma dazua, wãn wea bain rén fu õana Schbråch zu da ãndan hin- und hea hupft oda a fu õam Dialekt zum ãndan. Dea englische Begrif kimt aus da Diglossi-Foaschung, wo s Grédad fu dé Laid in zwoa- oda measchbråchige Gsöschåftn untasuacht wiad. Code-Switching kã åbsichtli oda unåbsichtli gmåcht wean, es kã sâi das in õam Dext hin und hea gschbrunga wiad, oda sogoa in am Såz oda sogoa in õam zãmgséztn Woat. In da Foaschung wiad Code-Switching haid ois gãns noamals Fenomén gséng, wãn zwoa oda mea Schbråchn oda a Dialekt zãm keman und fu ana Grupn fu Laid grét und faschdãndn wean.