Leichtathletik
Aus Wikipedia
Leichtathletik is a Spoataat, die nem am Schwimma ois Olympische Kernspoatart gsehn wird. Heitztog werd da voa oim auf da Tartanbohn die Wettkämpf gmacht, wo ma früha voa oim auf Aschnbohna gsportlt hot.
Leichtathletik bsch'teht aus drei B'reichn. Oana is da Sprung, da zwoate is da Lauf, dea wiedarum in Sprint-,Mittl- und Langstreckn eig'teilt werd. Da dritte B'reich is da Wuaf. De b'rühmteste Laufstreckn im Leichtathletik sann de 100m (hundat Meta). Awa s'gibt aa no gonz vui andre Streckn, wia zum Beispui mid Hindanissn oder aber a Geha, wobei ma da a drauf achta muas, dass ma des net mit Nordic Walking vawechslt, wei des hot scho glei goa nix mit Leichtathletik zu doa.
De offizien flacha Strecka bei Weidmoastaschaftn san:
- 100 Meta
- 200 Meta
- 400 Meta
- 800 Meta
- Dausendfünfhundad Meta
- Fünfdausend Meta
- Zehndausend Meta
- Maradon (zweinviarzgdausndoanhundertfünfaneinzg Meta)
De Einteilung in Kurz-/Mittel- und Langstreckn erfoigt so: Bis zu 400 Meta is a Sprint, bis zu de 1.500 Meta is a Mittelstreckn, und ois, was länga is, is a Langstreckn.
Mit Hüadn ko ma foigende Strecka lafa:
- 100 Meta (füa die Weibsbuider) / 110 Meta (Mannsbuida)
- 400 Meta
Im B'reich vom Sprung gibt's a dann vier verschiedne Artn: An Weit-, Hoch-, Drei- und füa die ganz Damischn no an Stabhochsprung.
