Martin Luther
Aus Wikipedia
 |
Der Àrtikl is im Dialekt „Flåchgauarisch“ gschriem worn. | |
Da Martin Luther (* 10. November 1483 in Eisleben; uasprünglicha Nachnam Luder; † 18. Februar 1546 a in Eisleben) wår á Refoamatoa, dea wås dé Katholische Kiachn reformirn woit. Weil ea hod on a por Temen wås zum aussetza ghåbt:
- Simoní: Dés is dés, wonn si áná mid vui Göid a geistlichs Åmt erkáft.
- Ablasshandel: Dés is, wo ma si vun seine Sindn freikáft.
- Dés wiatschoftliche Intaress vun da Kiachn.
- Di Vawötlichung da Kiachn.
Da Lutta hod seine 95 Tesn ogschlångn und aus dem Refoamazionsvasuach is donn de evangelische Kiachn entstådn. Ea hod a de Bibl vum Latein ins Deitsche übasetzt, åba so wia's de Menschn gredt hom, wei a einheitliche Sproch hot's domåis nu ned gem. Ma sogt á oft, da Lutta hod dem Voik aufs Mai gschaut. Wei ea gmáhnt hod, das jeda Mensch frei is, hom de Bauan des missvaståndn. Se håm gmánt, se wán vun da Leibeignschåft befreit. Da Lutta hod åba gmánt, dass ma frei im Glam is. Daraus han a de Bauanafständ enstådn.
