Redundanz (Information)
Aus Wikipedia
In da Infoamationstheorie moant Redundanz, inwiaweit a Queijn iwaflissige Infoamation enthoit. A Infoamationseinheit is redundant, wamma's weglossn ko, ohne dass Infoamation valorn geht. Wamma sejche Redundanzn identifiziat und entfeant redt ma vo Dedupliziarung.
[dro werkln] As Iwatrong vo Nochrichtn
Redundant is des Stickl vora Nochricht, wo koan Infoamationsghoit hod, wei de gleiche Infoamation scho voahea implizit oda explizit in da Nochricht gemm worn is.
A Kommunikation losst si mit Huife vo redundante Infoamationa fehlatolarant iwa an Infoamationskanoi realisiern, wei dodabei valorn gangane oda vafäischte Teilinfoamationa vum Empfänga ausm Kontext rekonstruiert wern kenna.
[dro werkln] Datenbanken und Datenstrukturen
Bei da Datnbankentwicklung und bei de Datnstruktuan vo Programme hoassts Redundanzn meglichst komplett vameidn. Da Grund is, dass sunscht zvui Speichablooz braucht wead und Inkonsistenzn auftretn kenna. Desweng zäiht ma Redundanzn zua de Anomalien. Redundanzfreiheit guitt ois Grundprinzip in Datnbankn.
