Ghjuvan' Petru Lucciardi
From Wikipedia
Ghjuvan Petru Lucciardi hè natu in Santu Petru di Tenda (Nebbiu) lu 20 di dicembre di lu 1862. A so mamma si chjamava Laura Maria Querci, è u so babbu Carlone Lucciardi. Ghjera una vechja famiglia d’agricultori (vigni è alivetti). Anton Bastiani Lucciardi era u so arci babbone è ghjera un pueta assai cunnisciutu « Prete Biasgiu ». Ùn era micca un prete ma vulìa diventà prete quand’ellu era ghjovannu, ghjè per quessa ch’era chjamatu cusì. Hè mortu in lu 1860. Quandu ghjuvan Petru Lucciardi nasce, sente parlà di u so arci babbone, è li si pare di li cunnosce. Tene dui fratelli è trè surelle maiò. Ghjuvan Petru Lucciardi hè u terzu figliolu. Hè andatu in Aiacciu à fà a scola nurmale à 16 anni. Face parte di a prima generazione di i maestri di a terza republica. Ghjè unu di i primi à circà cù i mezi di nanzu à insegnà u corsu. Ghjè statu maestru in parechji lochi. S’hè maritatu è hà avutu trè figloli (Charles, Pierre Jean et Sébastien). Perde u so figliolu Charles u 25 di dicembre di u 1907, à l'età di 20 anni, di a malatia di a tisia. A parte di què un scrive chè in corsu, era una manera di sprime i so sintimi. Hà scrittu in a rivista “A Tramuntana”. Hà scrittu dinù parechji testi ; è unu di elli “Canti Corsi” mi pare impurtante ch’ellu hà un interessu socio-linguisticu, literariu ma dinù storicu pè a lingua corsa. Hè mortu in Parigi u 5 d'aostu di u 1928.
| I scrivani in lingua corsa |
|
Ghjuvan Ghjacumu Albertini - Ghjuvanni Ambroggi - Lisandru Ambrosi - Dumenicu Andreotti - Guidu Benigni - Marcu Biancarelli - Dumenicu Carlotti - Santu Casanova - Matteu Ceccaldi - Marcu Ceccarelli - Ghjuvan' Maria Comiti - Rinatu Coti - Simonu Dary - Paulu Matteiu Della Foata - Anton Francescu Filippini - Ghjuvan' Ghjiseppu Flori - Ghjuvan' Ghjiseppu Franchi - Ghjacumu Fusina - Carulu Giovoni - Guglielmu Guglielmi - Petru Santu Leca - Petru Matteu Lucciana - Anton' Bastianu Lucciardi - Ghjuvan' Petru Lucciardi - Lisandru Marcellesi - Antone Leonardu Massiani - Ghjuvan' Luigi Moracchini - Roccu Multedo - Lisandru Muzy - Bastianu Nicolai - Ghjannettu Nottini - Saveriu Paoli - Anton' Battista Paoli - Arnestu Papi - Antone Marcu Peretti - Tumasgiu Pasquale Peretti - Simon' Paulu Poli - Ghjuvan' Petru Ristori - Petru Rocca - Ghjuvan' Teramu Rocchi - Natale Rocchiccioli - Ghjacumu Simonpoli - Ghjacumu Thiers - Dumenicu Antone Versini - Ghjacumu Santu Versini - Salvatore Viale |
