Beintemahûs

Ut Wikipedy

Beintemahûs is in buorskip yn de gemeente Kollumerlân. Beintemahûs is neamd nei in boerepleats en leit ten súdwesten fan Ie, besuden it Dokkumer Grutdjip.

[bewurkje seksje] Famylje Beintema

Al yn 1543 komt de namme Beintemahûs foar yn âlde geskriften. Yn 1671 ferkeapet de lêste Beintema (Eecke Douwes) de pleats.

Syn broer Eecke Douwes wie abbekaat yn Dokkum. Hy wenne tichtby Beintemahûs op de tsjintwurdige Hege Pleats dêr flakby. Oer Oene is noch bekend dat syn soan liifarts fan de keizer yn Wenen wie. De dochters fan Eecke, dy’t yn Delft wennen, ferkochten de buorkerij yn 1671. Sa gie de bân dy’t de famylje hie mei Westergeast ferlern.

Yn 1750 keapet Douwe Kornelis de pleats, hy hie de pleats earst pachten. De Eelke Meindertswei is neamd nei syn dochter dy’t mei Eelke Meinerts troude. Yn 1786 waard de pleats ferkocht oan in Johannes Meinderts. Meinderts wurdt skreaun mei in ‘d’ deryn , sadat de wei ek as Meindertswei skreaun wurdt. Omdat Napoleon de efternammen ynfierde, keas Jehannes Meinderts de efternamme Beintema. Yn 1804 krige Jehannes Meinderts de hearebank yn’e tsjerke. De hearebank bleaun, ek doe't de lêste Beintema al wei wie, ornearre foar de bewenners fan de buorkerij.