Dûkelmantsje
Ut Wikipedy
| Dûkelmantsje | ||||||
|---|---|---|---|---|---|---|
 |
||||||
| taksonomy | ||||||
|
||||||
| soarte | ||||||
| Charadrius alexandrinus |
It Dûkelmantsje (Charadrius alexandrinus) is in wilster út it skaai fan de Bûnte Wilsters.
[bewurkje seksje] Foarkommen
De boppekant fan in Dûkelmantsje is brúngriis, en de ûnderkant is wyt. By de hals hat de fûgel donkere streken, en ek in swarte eachstreek. De fûgel hat swarte skonken en ek in koarte swarte snaffel. In folwoeksen Dûkelmantsje is tusken de 15 en 20 sm grut, en hat in wjukspanwiidte fan 35 oant 45 sm. De fûgel waacht tusken de 30 en 55 gram.
Yn de simmer hat it mantsje in ljochtbrune krún.
[bewurkje seksje] Fersprieding
It Dûkelmantsje is echt in kustfûgel, hy is net yn it binnenlân te finen. Hy briedet meast op sân- of kiezelstrannen oan de Noardsee, Atlantyske Oseaan, de Middellânske See, Swarte See en Kaspyske See. It is in trekfûgel dy't oan súdliker kusten oerwinteret.
[bewurkje seksje] Fuortplanting
It dûkelmantsje komt yn april yn syn briedgebiet. It nêst is in kûltsje op de grûn, wêryn it wyfke trije aaiten leit. Nei fjouwer wiken brieden komme de jonge fûgels út it aai en ferlitte fuort it nêst. Ein augustus, begjin septimber geane de fûgels wer op reis nei harren oerwinteringsgebiet.
