Foppe de Haan
Ut Wikipedy
| Foppe de Haan | |
|---|---|
 |
|
| Basis ynformaasje | |
| Namme | Foppe Geert de Haan |
| Berne | 26 juny 1943 |
| Berteplak | Lippenhuzen |
| Ploech | Jong Oranje |
Foppe de Haan, berne yn Lippenhuzen op 26 juny 1943, is in Fryske fuotbaltrener dy't fan july 1985 oant juny 2004 trener wie by SK It Hearrenfean.
Ynhâld |
[bewurkje seksje] Biografy
[bewurkje seksje] SK It Hearrenfean
De Haan wie as jeugdspiler en amateur al ferbûn oan it Hearrenfean. Sûnt 1985 makket hy diel út fan de technyske stêf by SK It Hearrenfean. Hy wie fan 1985 oant 1988 haadtrener. Yn dy funksje waard De Haan opfolge troch Frits Korbach. De Haan krige doe de funksje technysk direkteur. Doe't Korbach yn 1992 It Hearrenfean ferliet, naam Foppe de Haan de funksje fan haadtrener wer op him.
Foppe helle yn syn twadde perioade as haadtrener fan It Fean wichtige resultaten. Sa wist hy yn 1993 en 1997 de finale fan de KNVB-beker te berikken, beide kearen waard ferlern. Yn 1993 fan Ajax en yn 1997 fan Roda JC. It Hearrenfean helle foar it earst yn harren skiednis Jeropeesk fuotbal ûnder lieding fan De Haan. Dit barde yn it seizoen 1997/1998. Yn totaal helle hy fjouwer kear Jeropeesk fuotbal. Yn it seizoen 1999/2000 waard sels de Champions League berikt.
Oan it begjin fan it seizoen 2003/2004 kundige hy oan dat hy as trener stopje soe. Op 2 jannewaris 2004 makke it bestjoer bekend dat Gertjan Verbeek, dy't earder al diel útmakke hat fan de technyske stêf by fan de klub, Foppe de Haan opfolgje sil.
[bewurkje seksje] Jong Oranje
Neidat De Haan It Hearrenfean yn 2004 ferlit wurdt hy trener yn tsjinst fan de KNVB. Hy wurdt de nije trener fan Jong Oranje.
De Haan behellet my Jong Oranje syn earste priis. Yn de simmer fan 2006 yn Portegal wurd hy Jeropeesk kampioen. Nea wûn in Hollânske jeugdploech fan dizze leeftyd in ynternasjonaal toernoai. Ek it berikken fan de finale wie noch nea earder bard.
In jier letter waard it Jeropeesk Kampioenskipfoar Jong Oranje yn Nederlân hâlden. Ek dizze kear wie de ploech fan De Haan de bêste fan Jeropa. Yn de Euroborg yn Grins waard de finale tsjin Servje spile. De wedstriid eindige yn in 4-1 oerwinning fan Jong Oranje.
[bewurkje seksje] Karriêre as spiler
- S.v. T.H.O.R. (Lippenhuzen)
- GAVC Grou
- VV It Hearrenfean
- VV Súd Eschmarke
- VV Akkrum
- sv De Enschedese Boys
[bewurkje seksje] Karriêre as trener
- VV Akkrum (1974-1976)
- SK It Hearrenfean, jeugd (1976-1977)
- Drachtster Boys (1977-1980)
- ACV (1980-1983) (NF)
- Stienwyk (1983-1985) (NF)
- SK It Hearrenfean (1985-2004)
- Jong Oranje (2004 - Oant no)
[bewurkje seksje] Earelist as trener
- Promoasje nei de Earedivyzje mei It Hearrenfean: 1992-1993
- Beheljen fan 2e plak yn de Earedivyzje en de Champions League mei It Hearrenfean: 1999-2000
- Jeropeesk kampioen my Jong Oranje: 2006, 2007
- Beheljen Olympyske Spielen fan 2008 yn Peking, Sina mei Jong Oranje.
[bewurkje seksje] Underskiedings
- Sport Award yn 2003
- Ridder yn de oarde fan Oranje-Nassau yn 2004 (nei syn lêste thúswedstriid as trener fan it Hearrenfean)
- Eareboarger fan It Hearrenfean yn 2004]
- Trener fan it jier 2007 (tegearre mei Robert Eenhoorn)
[bewurkje seksje] Literatuer
- Eppie Dam - Foppe, portret fan in bysûnder gewoan minske, ISBN 90-76589-10-0
