Hotze Schuil
Ut Wikipedy
Hotze Schuil (29 oktober 1924, Harns - 25 novimber 2005, Harns) wie in ferneamd keatser yn it Frysk spul, dy't spile fan 1942 oant 1972. Schuil wie in Harnzer yn ieren en sinen.
Hotze Schuil helle 876 punten foar it ivich keatsklassemint, dat er 28 jier oanfierd hat, oant Piet Jetze Faber syn puntetotaal ferbettere.
Schuil stie 10 kear yn de finale fan de PC, dy't er, nei eigen sizzen 'mar' 6 kear wûn. Hy waard op it Sjûkelân 3 kear ta kening kroane. Hy wûn dêr ek noch 3 kear de lytse premy. Foar Harns wûn hy 8 kear de Bûnspartij. Yn syn ymposante keatskarriêre helle Schuil it rekôr-oantal fan 83 keningskippen en wie dêrmei de keizer ûnder keningen. Yn 2000 krige hy op de nijjiersresepsje fan de KNKB de earetitel "Keatser fan de Ieuw".
Troch it inisjatyf fan Stifting Ouwe Seunen stiet op it Suderplein yn Harns in stânbyld fan Schuil, dat 5 july 2006 ûntbleate waard troch âld-boargemaster Arlman en trije pakesizzers fan Hotze Schuil. It stânbyld, makke troch Hans Jouta, toant De Lange yn de foar him sa typearjende opslachhâlding.
[bewurkje seksje] Literatuer
- De Lange, Hotze Schuil - keizer onder de kaatskoningen, troch Jelle Bangma, Ate de Jong en Wio Joustra
