Maraton
Ut Wikipedy
In Maraton is in rinôfstân.
Ynhâld |
[bewurkje seksje] Skiednis
[bewurkje seksje] Atene
De Maraton is ûntstien by de earste Moderne Olympyske Spullen, yn Atene yn Grikelân. Men hie foar dizze spullen besocht om klassike ûnderdielen op te nimmen, as keppeling mei de klassike Olympyske spullen, dat doe't men beslute ta it opnimmen fan in ôfstân fan 40 km. waard dêrfoar it trajekt naam dat de Ateenske boadskipper Phidippides nei de slach by Maraton (490 f. Kr.) rûn hawwe soe om troch te jaan dat de Griken wûn hienen.
[bewurkje seksje] Londen
Dizze lange rinôfstân is in fêst ûnderdiel yn de Atletyk wurden, mar by de earste Olympyske spullen wie de krekte ôfstân eltse kear oars. De ôfstân sa't dy no rûn wurdt is foar it earst rûn yn 1908 by de Olympyske Spullen fan Londen. Dat hie doe 40 km. wêze moatten, mar om reden fan organisaasje waard it 42,195 km. Deselde ôfstân waard rûn by de Olympyske Spullen fan 1920 yn Antwerpen, en sûnt dy tiid is dit de fêste ôfstân foar de Maraton.
[bewurkje seksje] Hjoed de dei
Om't de Maraton net op de baan rûn wurdt, mar oer de wei, is eltse maraton eins wer oars en eltse maraton wurdt dan ek as in apart barren beskôge. Dochs hâldt de IAAF mei yngong fan 2004 de bêste tiid op de maraton by, foar maratons dy't oerienstimme mei de standerd fan de IAAF. Mar der is dochs noch in grut ferskil tusken dy maratons. It fluchst wurdt rûn op flakke maratons likernôch op seenivo.
[bewurkje seksje] Beste tiid ea
De IAAF had de twa fluchste tiden oant en mei 2003 as bêste tiid op de maraton oannnaam. Foar manlju stiet dy op namme fan de Keniaan Paul Tergat, dy't op 28 septimber 2003 de Maraton fan Berlyn rûn yn in tiid fan 2:04:55. Fluchste by de froulju is de Britske Paula Radcliffe dy't op 13 april 2003 de Maraton fan London yn 2:35:15 rûn.
[bewurkje seksje] Maratons
Maratons wurde it hiele jier troch en oer hiel de wrâld hâlden. Hjir binne in pear dy't it neamen wurdich binne.
- Boston Maraton
- Maraton fan Rotterdam
- New York Maraton
- Slachtemaraton
