Memmetaal
Ut Wikipedy
In memmetaal is in taal dy't immen as bern oanleard hat, sûnder organisearre taalûnderwiis.
Under oaren om't de neokorteks fan in bern noch foarme wurdt, hat it in grut fermogen ta it oanlearen fan taal, dat mei de jieren minder wurdt. Wylst de taal dy't in mem tsjin har bern praat it dúdlikste foarbyld is, kin in bern ek op oare wizen in memmetaal oanleare. It is ek mooglik dat in bern mear as ien memmetaal leart, tagelyk, bygelyks in streektaal en standerttaal, of neiïnoar, bygelyks by it ferfarren tusken ferskillende taalgebieten.
21 febrewaris is de ynternasjonale dei fan de memmetaal.
