Prinsesse Amalia

Ut Wikipedy

Prinsesse Amalia (* 7 desimber 2003, De Haach), folút Catharina-Amalia Beatrix Carmen Victoria van Oranje-Nassau, Erfprinsesse fan Oranje, Prinsesse fan de Nederlanden, Prinsesse fan Oranje-Nassau, is de âldste dochter fan Prins Willem-Alexander en Prinsesse Máxima.

[bewurkje seksje] Berte

Prinsesse Amalia waard snein 7 desimber 2005 om 17.01 oere berne yn it Bronovo-sikehûs yn De Haach. Yn de stêden De Haach, De Helder, Willemstêd (Nederlânske Antillen) en Oranjestêd (Aruba) waard har berte mei 101 salútskotten oankundige. Tiisdei 9 desimber, yn it âlde stêdhûs fan De Haach, joech har heit har berte oan by de boargerlike stân, yn de persoan fan boargemaster Wim Deetman.

Daalks nei oanjefte en it bekend wurden fan de namen fan de kroanprinsesse feroare de gemeente Almelo it Balkanplein yn de stêd ta Catharina-Amaliaplein. Op Bonêre waard de lofthaven Flamingo Airport werneamd ta Prinsesse Amalia Airport.

[bewurkje seksje] Nammen

De prinsesse wurdt Amalia neamt, of by offisjele gelegenheden Catharina-Amalia. Soe se itselde dwaan as har heit, dan wurdt har namme as keninginne Keninginne Catharina.

Prinsesse Amalia is op de neikommende wize ferneamd:

• Catherina kaam by de Oranjes earder foar by Henriëtte Catharina;
• Amalia kaam by de Oranjes earder foar by Amalia van Solms;
• Beatrix nei har beppe Keninginne Beatrix;
• Carmen nei har beppe Maria del Carmen Cerruti de Zorreguieta;
• Victoria liket net foar te kommen as namme fan ien fan de foarâlden fan Prinsesse Amalia. As, sa't Willem-Alexander sein hat, de nammen yn de famylje foarkomme dan soe it de namme fan in muoike of nicht ofsfh. wêze moatte. It is lykwols ek mûglik dat se ferneamd is nei har iene peetmuoike, kroanprinsesse Victoria fan Zweden.

[bewurkje seksje] Titel

Nei har heit Willem-Alexander is Prinsesse Amalia de twadde yn de oarder fan troanopfolging. Om't se de neikomling is fan de earste, har heit, hat se de titel fan Erfprinsesse. Wurdt Willem-Alexander kening, dan wurdt sy Prinsesse fan Oranje.