Doha
As a'Wikipedia
| لدوحة Doha |
|
 |
|
| Suidheachadh | |
| Dùthaich | Catar |
| Ceàrn | Ad Dawhah |
| Co-chomharran | 25° 16' 54" Tuath 51° 31' 3" Ear |
| Feartan fiosaigeach | |
| Farsaingeachd | 132 km² |
| Àireamh-shluaigh | 339,847 (2004) |
| Dlùths | 2,574.6/km² |
'S e prìomh-bhaile Chatair a tha ann an Doha (Arabais: لدوحة, (Ad-Dawḥah) neo (Ad-Dōḥah). 'S e am baile as motha na dùthcha cuideachd, tha mu 80 % de muinntir na dùthcha a’ fuireach anns an àrd-bhaile Doha. Tha e suidhichte air cladach Camas Pearsach. B’ ann ann an Doha far an robh na Geamaichean Àisianach anns a' bhliadhna 2006.
Chaidh am baile a stèidheachadh anns a’ bhliadhna 1850 le Al-Bida mar ainm. Thàinig an t-ainm “Doha” bhon fhacal Araibianach ad-dawha, a’ ciallachadh: a’ chraobh mhòr. Canar gun robh craohh mòr, mòr ri taobh a' bhaile iasgach a bha ann aig an àm seo.
Tha pàirt den baile ann ris an canar Education City. Tha mòran oilthighean ann, seo cuid den fheadhainn as cudthromaiche:
- Oilthigh Chatar; dh’fhosgail e anns a’ bhliadhna 1973
- Oilthigh Georgetown
- Weill Cornell Medical College, pàirt den Oilthigh Cornell
- Oilthigh Virginia Commonwealth
- Oilthigh Texas A&M
- Oilthigh Northwestern University
- College of the North Atlantic - Catar
- Oilthigh Carnegie [1]
Tha port-adhair eadar-nàiseanta, an Doha International Airport ann cuideachd. Ach air sgaths gun do fh’as an roinn malairteach ‘s an roinn turasachd cho luath, gu h-araidh aig àm nan Geamaichean Àisianach, tha am port-adhair ro bheag airson an trafaig a th’ ann an-duigh. Bidh port-adhair ùr, an New Doha International Airport, air a thogail. Bidh a’ chiad phàirt dheth deiseil ann an 2009, bhidh e mòr gu leòr airson 25 millean luchd-siubhail gach bliadhna. Thathar an dòchas gum bidh am port-adhair ùr deiseil ann an 2015. [2]. [3].
[deasaich] Iomraidhean
- ↑ Fiosrachadh mu “Education City”
- ↑ New Doha International Airport , AME Info, 2006-09-26
- ↑ Fiosrachadh mu New Doha International Airport
[deasaich] Ceanglaichean a-mach
