ويکی‌پديا:چوتو خوروم مقاله بنویسیم

ای مقاله هدف اينه کی مقاله‌نیویسی ویکی‌پدیا مئن هم‌جور ببی و اوشانِ خاندن راحت‌ترأ بی. قنونؤنی کی بنویشته بونه، اجباری نين و نشأ گوتن کی بخترین ایسن. امّا پیشنهاد بونه کی استفاده ببون.

[ویرایش] کُدنیویسی

حرفان و علامتان، همه‌تا وا خوشانِ اصلی کاراکترِ امره بنویشته ببون. اگر عربی خطِ جی استفاده کونید، بد نیه کی [ایرانِ ملی استاندارده] فاندرید.

دوروس: «بی‌باک». غلط: «بي باك»

[ویرایش] زوان

• این‌که شیمی گیلکی نیویسی مئن، کویه‌ته لهجه جی استفاده کونید، موهم نیه. اصلن تانید هر چن‌تا لهجه کی بلدید، استفاده کونید. موهم دوروس‌نیویسی ایسه و ای موضوع کی شیمی موخاطب بتانی بخانی.

• اضافه‌ئن مئن (چی موصوف و صفت ببون، چه موضاف و موضاف‌الیه و چه ملکی اضافه)، همیشک شمه‌ره یاد دبی کی ترتیبه رعایت بکونید. همیشک صفت یا موضاف‌الیه اول‌تر ایه و بازون موصوف یا موضاف.

دوروس: «سورخِ پیرأن»، «بهنامِ پابلوس»، «لاجانِ جاده»، «می کیتاب»، «تی جه»، «نگینِ جی»

• تا جیگایی کی تانید، شیمی متنِ مئن عربی و فارسی دنّه بی.

چوتو گیلکی بنویسیم

[ویرایش] نوقطه نأنِ علامتان

[ویرایش] علامتانی کی تنها بنویشته بونن

مثلن: نوقطه (.) یا ویریگول (،).

• ای علامتان، قبلی حرفِ جی فاصله ندأنن.

• اَ علامتان و اوشانِ بعدی حرفانِ مئن وا فاصله نهأ بی.

(دوروس: «مو، بد نيم.» غلط: «مو ،بد نیم .»)

[ویرایش] علامتانی کی تنها بنویشته نبونن

مثلن: ( ) یا [] یا «»

هرچی کی اشانِ دیرین بنویشته به، علامتانِ جه نوا فاصله بداری. امّا هرچی کی اوشانِ بیرین دره، اوشانِ جه فصله گیره.

دوروس: «مو هنوز می خانه جی (لاجانِ مئن) بیرین نوشؤ [بؤم] کی می رفئق زنگ بزه.»

غلط: « مو هنوز می خانه جی( لاجانِ مئن )بیرین نوشؤ[ بؤم]کی می رفئق زنگ بزه. »

• گاگلف کی اَ دو جور علامتان کسنِ ورجه بنویشته بونن، قواعد ایپچه توفیر دأنن:

دوروس: «من و می رفئق (امیر)، دیروز ناهار، [ناچار ببویم کی] بشیم.»

غلط: «من و می رفئق (امیر) ، دیروز ناهار،[ناچار ببویم کی] بشیم.»

• اگر قراره کی کسی جی، بگوته نقل بکونین، « » جی استفاده بکونین.

دوروس: «دیگرانِ بگوته»

غلط: "دیگرانِ بگوته" یا ‘دیگرانِ بگوته’

[ویرایش] تاریخ‌نیویسی

مقاله‌ئنِ مئن، گالشی تقویم ِ جی استفاده بکونین. و اگر لازم بو، اونِ دیمه، میلادی یا هجری قمری یا هجری شمسی تاریخانِ جی نی استفاده بکونید.

چون هر تاریخی کی نیویسید و اونه لینک چاکونید، یه‌ته صفحه ایجاد بونه کی او صفحه مئن، تفاقانی کی او تاریخِ مئن دکته موجوده، پس موهمّه کی شیمی تاریخ‌نیویسی یه‌ته روش خاص بداره:

• سال: [[1580]] کی بونه: 1580

• سال و ما: [[1580 نوروز ما]] کی بونه: 1580 نوروز ما

• کامل: [[1580 نوروز ما 13]] کی بونه: 1580 نوروز ما 13

[ویرایش] يه‌ته خوروم مقاله چوتو ایسه؟

پیشاشو گب

==اوّلی بخش==        / 

===اوّلی جیری بخش==   |

.                   |

.                    > اصلِ متن

.                   |

==چندمی بخش==        |

===چندمی زیربخش===  \

==جیرنیویس==

==مربوطه مطالب==

==منابع==

===[منابع برای] مطالعه بیشتر===

==بیرینی لینکان==

[ویرایش] گیلکی‌نیویسی

چوتو گیلکی بنویسیم