Jan Hanski
Z Wikipedije, swobodneje encyklopedije
| Jan Hanski | |
|---|---|
| datum narodźenja: | 24. nowembra 1925 |
| ródne město: | Njebjelčicy |
Jan Hanski (* 24. nowembra 1925 w Njebjelčicach; † 15. julija 2004 w Eisenhüttenstadće) bě serbski moler a grafikar.
[wobdźěłać] Žiwjenje
Wuchodźiwši ludowu šulu nawukny Hanski powołanje dekoraciskeho molerja. 1943 dyrbješe do wojakow. 1947 wróći so z wójnskeje jatby a dźěłaše jako molerski pomocnik. 1952–1955 studowaše na fachowej šuli za nałožowane wuměłstwo w Podstupimje pola prof. Waltera Nerlicha. 1956–1962 bě nawoda wotrjada za barbowe a nutřkowne wuhotowanje pola VEB Ausbau-Union w Eisenhüttenstadće. Pódla swojeho dźěła studowaše hišće w lětach 1961 hač do 1962 fotografiju w Berlinje.
Wot 1963 dźěłaše Hanski jako swobodnje skutkowacy wuměłc. W samsnym lěće přistupi Zwjazkej tworjacych wuměłcow NDR. Wot 1973 hač do 1988 bě předsyda wobwodneho zwjazka Frankfurt nad Wódru. Hanski bě tež čłon Koła serbskich tworjacych wuměłcow.
Wot lěta 1978 přiwobroći so Hanski předewšěm molerstwu, a to wosebje technice lakoweho molerstwa.
K 70. narodnemu dnju w nazymje 1995 wěnowaše jemu Choćebuski Serbski muzej wobšěrnu wustajeńcu.
