Spjall:Ísland Fyrir Íslendinga

Úr Wikipediu, frjálsa alfræðiritinu

Getur þú bent mér á eina frétt, eina grein eða eina vefsíðu sem tengist þessu svokallaða „gengi“. Hafa þeir gefið eitthvað efni út? Hafa þeir gert eitthvað annað en að krota á veggi í bæjarfélaginu og merkt bílrúður? Eru þetta formleg samtök? Persónulega hef ég aldrei heyrt þetta nefnt og ekki sýnist mér þetta vera mjög marktæk grein hérna. Marri 10. desember 2007 kl. 12:29 (UTC)

Held að á það hafi verið minnst í Mannamáli hjá Sigmundir Erni. --Cessator 10. desember 2007 kl. 12:38 (UTC)

Sá ekki Mannamál en það var minnst á þetta í fréttaflutningi um bílslysið í Keflavík um daginn þegar sá fjögurra ára lést og útskúfun grunnskólanema í kjölfarið. — Jóna Þórunn 10. desember 2007 kl. 12:54 (UTC)

Ég vildi að þú hefðir ekki sagt þetta svona. En ég býst ekki við því að það sé meira um þetta að segja í bili. --Cessator 10. desember 2007 kl. 15:27 (UTC)

Greinar um einkaklúbba, eins og t.d. þetta "gengi" eru hégómasíður og eiga ekkert erindi á wikipedia. Eyðst! Thvj 10. desember 2007 kl. 17:31 (UTC)

Já, ég er ekki frá því að ég sé svolítið eyðingarhlyntur í dag. --Stefán Örvarr Sigmundsson 10. desember 2007 kl. 18:10 (UTC)

Við eigum að halda okkur hlutdrægum hér Stefán. Svo held ég að ég hafi einhverntíman séð eitt af verkum þessa gengis; þeir gerðu stafsetningarvillu í orðinu "Íslendinga" og skrifuðu "Ísledínga". Ég hló. Annars ætti að eyða þessari grein, nema þeir fari að gera eitthvað róttækt eins og að kveikja í byggingum, gefa út fræðigreinar um sig sjálfa eða að gera virkilega góð og pólitísk graffíti eins og Banksy. Allt af þessu er mjög ólíklegt, það eina sem þeir hafa gert er að skrifa einhver rasista skilaboð á rúður og veggi. Ef allir sem gerðu það fengju sérstaka grein á Wikipedia myndi fjöldi greina margfaldast. --Baldur Blöndal 11. desember 2007 kl. 02:16 (UTC)

Það eitt að "gengið" fari að beita ofbeldi gerir það ekkert "merkilegra", þ.a. það verðskuldi frekar grein á wikipedia. Eyðist! Thvj 11. desember 2007 kl. 10:59 (UTC)

Sammála, held að það séu flestir reyndir notendur hér á einu máli um að eyða greininni. Geri það ef enginn andmælir. --Cessator 11. desember 2007 kl. 12:09 (UTC)

Hmm.. Mér þykir þið nokkuð fljót að ákveða eyðingu. En gott og vel. Það má alltaf stofna síðuna aftur ef forsendurnar breytast. --Vésteinn 13. desember 2007 kl. 01:03 (UTC)

Til Thvjs, ég vildi bara segja að ef meðlimir í þessu ‚gengi‘ (mér finnst alltaf jafn fyndið þegar ég tala um íslensk gengi =P) myndu kveikja í einhverju eða gera eitthvað merkilegt sem kæmi í blöðin þá væri mögulega hægt að skrifa grein. En eins og þetta gengi er núna þá finnst mér smá asnalegt að gera grein um einhverja krakka (vonandi) sem krota á veggi. En það er nú búið að eyða henni núna. --Baldur Blöndal 13. desember 2007 kl. 05:14 (UTC)

Skv. dv.is gengu 20 meðlimir ÍFÍ í skrokk á fjórum Pólverjum í kjölfar bílslyssins í Keflavík [1]. Er það nógu öfgafullt? --85.220.34.166 13. desember 2007 kl. 09:10 (UTC)

Persónulega þá finnst mér DV ekki vera nógu góð heimild fyrir neinu en það skiptir engu. Af hverju ætti fólk að fá grein fyrir að berja annað fólk? --Baldur Blöndal 13. desember 2007 kl. 10:38 (UTC)

Runkklúbbar stráklinga eiga ekkert erindi á wiki, þó þeir stundi "strákapör" eins og að kveikja í bílum og áreita útlendinga. Alfræðigildi slíks er minna en ekkert, það er a.m.k. mín skoðun! Thvj 13. desember 2007 kl. 10:54 (UTC)

Það er búið að eyða þessari dellu - áfram nú! þetta átti ekkert erindi hérna ekki frekar en klúbbur sem ég stofnaði rétt í þessu og ber nafnið: Jan Mayen fyrir Jan Mayen (athugið lítið f (við kunnum nefnilega íslenskar ritreglur). Ágætis klúbbur, te og skonsur og svona, en enginn fær aðgang nema hann hafi slegið Jan Mayen-menn gullhamra fyrir að hírast þarna í norðrinu við vísindabrölt. Býst ekki við að klúbburinn fái flettu, jafnvel þó ég sé með heimasíðu og allt, þeas gullhamraslattur.is --85.220.91.26 13. desember 2007 kl. 11:04 (UTC)

Góður punktur, en þessi 'klúbbur' ætti samt meiri möguleika á því að komast inn á Wikipediu, væri allavegana skemmtilegra að lesa um hann en margt annað. --Baldur Blöndal 13. desember 2007 kl. 12:18 (UTC)

Það er líka fjallað um ÍFÍ í nýjasta tölublaði Mannlífs. Ég sé ekki betur en að þetta sé snoðkollagengi sem ætlar að láta að sér kveða, og það kæmi mér ekki á óvart þótt við ættum eftir að heyra meira frá þeim á næstunni. Ég vona samt að mér skjátlist. Alla vega, mér finnst ástæða til að þessi grein sé til, þótt ég hafi megnustu andúð á málstaðnum. --Vésteinn 15. desember 2007 kl. 16:22 (UTC)

Er þetta fullorðið fólk eða krakkar? --Baldur Blöndal 15. desember 2007 kl. 18:28 (UTC)

Krakkar. Eða, ég held, réttara sagt, að þetta séu allt unglingar. Þau hafa samt verið frekar áberandi í Reykjanesbæ. --Vésteinn 15. mars 2008 kl. 00:22 (UTC)