Barcelona
Úr Wikipediu, frjálsa alfræðiritinu
Barcelona eða Barselóna er höfuðborg Katalóníu á Spáni. Íbúar borgarinnar sjálfar voru áætlaðir árið 2005 að vera 1.593.075 að tölu, en talan er 4.686.701 séu íbúar aðliggjandi byggða taldir með. Borgin er mjög gömul, sagan segir að karþagóski bærinn Barcino hafi verið stofnaður af Hamilcar Barca (sem var faðir Hannibals). Borgin hefur oft verið mikilvæg miðstöð valda og voru konungarnir af Aragón upprunalega greifarnir af Barcelona og stjórnuðu þaðan miklu veldi. Hún er og miðstöð þjóðernisvakningar Katalóníumanna. Meðal frægra Barcelonabúa eru myndlistarmaðurinn Joan Miró (en í borginni er safn tileinkað honum) og Antoni Gaudí. Gaudí hannaði eina frægustu byggingu borgarinnar, kirkjuna Sagrada Família (katalónska: heilög fjölskylda). Hún hefur verið í byggingu síðan á síðasta hluta 19. aldar. Borgarstjóri Barcelona er Jordi Hereu i Boher.
