Spjall:Forsíða

Úr Wikipediu, frjálsa alfræðiritinu

Skjalasöfn

Safn 1 (mars 2004 – nóvermber 2007)

[breyta] Endurhönnun á forsíðunni

Þetta flokkaefnisval er ekki nógu gott. Ég er t.d. búinn að vera gera mikið af skordýragreinum og til að komast í þær þarf að fara:

Flokkur:Dýrafræði -> Flokkur:Dýr -> Flokkur:Liðdýr -> Flokkur:Skordýr

Á meðan eru tómir flokkar eins og Flokkur:Fjarskiptatækni á forsíðunni.

Svo eru síður eins og Gátt:Raunvísindi sem Cessator er búinn að vera halda við sem eru mjög nytsamlegar en alls ekkert tengt í.

Síðast þegar við fórum í endurhönnun á þessari forsíðu var tekið út fullt af efni sem enginn var að halda við. Ég legg til að það sama verði gert aftur:

• Meiri áhersla verði lögð á síður sem er haldið við og beina notandanum eitthvað eins og Gátt:Raunvísindi. Það eru líka fullt af greinum þar sem eru óskrifaðar og höfða til lesenda með áhuga á raunvísindum.
• Flokkar sem er tengt í hafi einhvern texta (eins og t.d. Flokkur:Vogvængjur) og séu ekki bara tómar skelar.
• Forsíðan sé þverskurður af því efni sem er til á Wikipedia, ekki því sem við vildum að væri til (allur Stjórnmál og samfélagið flokkurinn er gott dæmi).

--Ævar Arnfjörð Bjarmason 13. mars 2008 kl. 18:46 (UTC)

Já ég er sammála því að það sé betra að stytta leið fólks að því efni sem við höfum frekar en að flagga nánast tómum flokkum. --Bjarki 13. mars 2008 kl. 22:24 (UTC)

Ég er sammála því að hafa ekki tóma flokka. Ekki bara að tengja ekki í þá á forsíðunni, þeir ættu bara helst ekki að vera til fyrr en það er komið eitthvað í þá. Hvað varðar flokkinn Flokkur:Fjarskiptatækni, þá er núna einn undirflokkur í honum, þ.e. Flokkur:Fjarskipti, og hann er líka kominn í flokka sem eru til (Flokkur:Tækni og Flokkur:Hagnýtt vísindi í stað Flokkur:Tækni og hagnýt vísindi). En það er samt rétt að það er ekki endilega heppilegasti flokkurinn til að tengja í á forsíðunni, þ.e. flokkur með einungis einn undirflokk. Áður en við förum í að fjarlægja flokka væri samt gott að athuga hverjum er „bjargandi“. --Cessator 13. mars 2008 kl. 23:17 (UTC)

Hvað gáttirnar varðar þá er ég sammála því að það mætti hafa einhvern tengil á þær. Þær geta mögulega verið eins og ítarlegri forsíða að ákveðnum hluta alfræðiritsins þar sem hægt er að koma að miklu meira um það efni en á almennu forsíðunni; og í leiðinni samstarfsvettvangur (eins og samvinna mánaðarins sem afmarkast af viðfangsefni frekar en tíma) og gætu þannig virkað hvetjandi. Það mætti hugsanlega koma upp fleiri slíkum gáttum en ég held að það séu mistök að hafa of afmarkað efni (t.d. Gátt:Kasakstan). Það er heppilegra að byrja á víðara viðfangsefni. Gátt:Landafræði gæti komið til greina til að halda utan um landafræðilegt efni í alfræðiritinu og hvað á eftir að gera í þeim efnum. Gátt:Dýr kæmi líka til greina. Ég er kannski kominn út fyrir efnið. Alla vega, það væri hægt að setja tengil á forsíðuna sem tengir í lista yfir allar gáttir, t.d. á milli tenglanna „Samvinna mánaðarins“ og „gæðagreinar“ efst á síðunni, eða koma aðeinhvers konar yfirliti yfir gáttirnar á svipaðan hátt og Stjórnmál og samfélagið gefur yfirlit yfir helstu flokka um samfélagsleg efni og Menning og listir gefur yfirlit yfir helstu flokka um þau efni. --Cessator 14. mars 2008 kl. 00:23 (UTC)

Þetta er alls ekki út fyrir efnið og hljómar mjög vel. Ég er sammála því að gáttir þurfa að vera almennar svo eitthvað líf sé í þeim. Það er líka sniðugt að hafa gáttir hér eins og nokkurs konar sameiningu af Portal og Wikiproject á ensku. T.d. er ég mikið að vinna í einhverju sem gæti farið á Gátt:Líf og væri þar hægt að hafa verkefnalista og tengla í verkefni sem þarf að inna, t.d. verkefnalistann hennar Jónu. --Ævar Arnfjörð Bjarmason 14. mars 2008 kl. 02:04 (UTC)