Gro Harlem Brundtland

Úr Wikipediu, frjálsa alfræðiritinu

Gro Harlem Brundtland (fædd 20. apríl 1939) er norskur stjórnmálamaður og leiðtogi.

Gro fæddist í Bærum og gekk til liðs við Verkamannaflokkinn aðeins 7 ára gömul. Hún útskrifaðist sem læknir (cand. med.) frá Háskólanum í Osló 1963 og fékk Masters-gráðu í lýðheilsu frá Harvard háskóla árið 1965.

[breyta] Stjórnmálaferill

Gro var umhverfisráðherra Noregs á árunum 1974 til '79 en í febrúar 1981 fram í október tók hún sér sæti í forsætisráðherrastólnum, fyrst kvenna. Ríkisstjórn hennar vakti líka mikla athygli, því af 18 ráðherrum ríkisstjórnarinnar voru 8 konur - mun meira en áður hafði tíðkast.

Hún var einnig forsætisráðherra á árunum 1986 til 1989 og 1990 til 1996. Hún hætti sem formaður norska verkamannaflokksins árið 1992.

Frá maí 1998 til júlí 2003 var Gro framkvæmdarstjóri alþjóða heilbrigðisstofnunarinnar (WHO).

Fyrirrennari: Odvar Nordli	Forsætisráðherra Noregs (1981 – 1981)	Eftirmaður: Kåre Willoch
Fyrirrennari: Kåre Willoch	Forsætisráðherra Noregs (1986 – 1989)	Eftirmaður: Jan P. Syse
Fyrirrennari: Jan P. Syse	Forsætisráðherra Noregs (1990 – 1996)	Eftirmaður: Thorbjørn Jagland
Fyrirrennari: Hiroshi Nakajima	Framkvæmdastjóri Alþjóða Heilbrigðisstofnunarinnar (1998 – 2003)	Eftirmaður: Jong-Wook Lee