Hugbúnaður

Úr Wikipediu, frjálsa alfræðiritinu

Um 1980 varð notendahugbúnaður að vöru sem var fjöldaframleidd og seld í smásölu.

Hugbúnaður er eitt eða fleiri tölvuforrit, sem notuð eru í tölvum og eru til ákveðinna nota. Hugbúnaður myndar andstæðu vélbúnaðar sem vísar til hins efnislega rafeindabúnaðar sem hugbúnaðurinn stýrir. Hugbúnaður framkvæmir forritaskipanir annað hvort með því að framkvæma einstaka forritaskipanir fyrir vélbúnað eða sendir skipanir til annars hugbúnaðar. Hugbúnaður getur verið varanlegur hluti af vél- eða vélbúnaði (fastbúnaður) og getur verið fjöldaframleiddur eða smíðaður samkvæmt pöntun (sérlausnir).

[breyta] Ýmsar tegundir hugbúnaðar

• Kerfishugbúnaður - s.s. fastbúnaður (t.d. grunnstýringarkerfi), stýrikerfiskjarni og reklar)
• Miðbúnaður - s.s. gagnagrunnar og ýmis netþjónshugbúnaður
• Notendahugbúnaður - s.s. skrifstofubúnaður
• Sérbúnaður - Hugbúnaður sem er sérsniðinn að þörfum einstakra notenda

Talað er um frjálsan eða opinn hugbúnað þegar notandinn má nota hugbúnaðinn að vild og gera á honum breytingar.