Nýöld
Úr Wikipediu, frjálsa alfræðiritinu
Nýöld kallast það tímabil í mannkynssögunni sem tekur við af miðöldum eða endurreisnartímanum, sé hann talinn sérstakt tímabil. Yfirleitt er nýöld talin hefjast árið 1492, er Kristófer Kólumbus kom til nýja heimsins, en stundum er hún talin hefjast fyrr eða um 1420 með upphafi endurreisnarinnar.
Nýöld skiptist í:
- Árnýöld (frá upphafi nýaldar til upphafs iðnbyltingarinnar um aldamótin 1800)
- Nútíma (frá upphafi iðnbyltingarinnar fram að upphafi Síðari heimsstyrjaldarinnar)
- Samtíma (frá upphafi Síðari heimsstyrjaldarinnar til dagsins í dag).
