Sallústíus
Úr Wikipediu, frjálsa alfræðiritinu
Gaius Sallustius Crispus, þekktur sem Sallústíus, (86-34 f.Kr.) var rómverskur sagnaritari. Hann var úr vel kunnri ætt alþýðufólks (plebeia). Sallústíus fæddist í Amiternum í landi Sabína.
Sallústíus er einkum þekktur fyrir tvö rit, Um stríðið gegn Júgúrthu konungi og Um samsæri Catilínu. Helsta fyrirmynd hans sem sagnfræðings var gríski sagnaritarinn Þúkýdídes. Hann hafði allmikil áhrif á rómverska sagnaritun, m.a. á Tacítus sem mat hann mikils. Quintilianus mat Sallústíus einnig mikils, taldi hann betri höfund en Lívíus og taldi hann standast samanburð við Þúkýdídes.
[breyta] Heimild
