Stjórnarráð Íslands
Úr Wikipediu, frjálsa alfræðiritinu
Stjórnarráð Íslands nefnast þau ráðuneyti, eða stofnanir, sem ríkisstjórn Íslands samanstendur af hverju sinni. Í Stjórnarráðshúsinu við Lækjargötu, andspænis Lækjartorgi, er forsætisráðuneytið til húsa.
Miðað er við að stofnun Stjórnarráðs Íslands hafi verið 1. febrúar 1904, daginn sem Hannes Hafstein tók við embætti ráðherra Íslands. Þann 1. febrúar 2004 var þess minnst með breytingu á reglugerð um Stjórnarráð Íslands.[1] Frá 1904 til 1917 var Stjórnarráðinu skipt í þrjár skrifstofur sem hver hafði sína verkaskiptingu. Sú fyrsta sá um dóms-, skóla- og kirkjumál, önnur um atvinnumál, samgöngumál og póstmál og sú þriðja fjármál. Ráðherra Íslands var æðsti embættismaður, en hver skrifstofa hafði skrifstofustjóra og landritari var yfirmaður þeirra.[2]
Árið 1917 var til embætti forsætisráðherra Íslands þó svo að ekki væri enn búið að stofna forsætisráðuneyti Íslands og ráðherrar urðu þrír talsins. Þremur árum seinna var bætt við einum ráðherra. Frá árinu 1927 voru fastir starfsmenn ráðnir til skrifstofu forsætisráðherra og því eiginlegt ráðuneyti orðið til með óformlegum hætti. Fyrsta lagasetningin um Stjórnaráð Íslands varð ekki fyrr en árið 1969 en fram að því hafði íslensk stjórnsýsla verið heldur laus í reipunum.[2]
[breyta] Ráðuneytin
- Forsætisráðuneyti Íslands
- Dóms- og kirkjumálaráðuneyti Íslands
- Félagsmálaráðuneyti Íslands
- Hagstofa Íslands
- Heilbrigðis- og tryggingamálaráðuneyti Íslands
- Iðnaðarráðuneyti Íslands
- Landbúnaðarráðuneyti Íslands
- Menntamálaráðuneyti Íslands
- Samgönguráðuneyti Íslands
- Sjávarútvegsráðuneyti Íslands
- Umhverfisráðuneyti Íslands
- Utanríkisráðuneyti Íslands
- Viðskiptaráðuneyti Íslands
[breyta] Tilvísanir
[breyta] Tenglar
- Stjórnarráð.is
- Lög um Stjórnarráð Íslands, 969 nr. 73 28. maí
- Reglugerð um Stjórnarráð Íslands, 2004 nr. 3 1. febrúar