Willum Þór Þórsson
Úr Wikipediu, frjálsa alfræðiritinu
Willum Þór Þórsson (fæddur 17. mars 1963) er fyrrum knattspyrnumaður og núverandi þjálfari meistaraflokks Vals í knattspyrnu. Hann er kvæntur Ásu Brynjólfsdóttur og á með henni Willum Þór, Brynjólf Darra og Þyrí Ljósbjörgu.
Hann er rekstrarfræðingur að mennt og hefur kennt hagfræði undanfarin ár við Menntaskólann í Kópavogi. Willum var í ungmennalandsliðunum í körfubolta og knattspyrnu en valdi knattspyrnuna fram yfir körfuboltann.
Willum hefur tekið virkan þátt í starfi Framsóknarflokksins og verið á framboðslistum í bæjarstjórnarkosningum.
[breyta] Knattspyrnuferillinn
Willum hóf feril sinn sem leikmaður hjá KR, fór þaðan til Breiðabliks og síðar til Þróttar þar sem hann hóf feril sinn sem þjálfari.
1997 kom hann Þrótti í Úrvalsdeildina, liðið féll svo úr deildinni 1998 á markatölu. Árið 2000 tók hann við Haukum.
2002 var hann skipaður þjálfari KR og leiddi þá til sigurs í úrvalsdeildinni 2002 og 2003. 2004 varð KR um miðja deild og samningur Willums var ekki endurnýjaður.
Hann tók þá við Val sem voru að snúa aftur í Úrvalsdeildina og leiddi þá til annars sætis í deildinni 2005 ásamt því að vinna VISA-bikar karla. 2006 endaði Valur í þriðja sæti deildarinnar.
[breyta] Tenglar
Knattspyrnufélag Reykjavíkur - Sigurlið árið 2003 |
---|
Kristján Finnbogason | Sigursteinn Gíslason | Gunnar Einarsson | Kristján Örn Sigurðsson | Kristinn Hafliðason | Bjarki Gunnlaugsson | Sigurvin Ólafsson | Einar Þór Daníelsson | Veigar Páll Gunnarsson | Arnar Gunnlaugsson | Sigurður Ragnar Eyjólfsson | Sigþór Júlíusson | Jón Skaftason | Þórhallur Hinriksson | Valþór Halldórsson | Garðar Jóhannsson | Sölvi Davíðsson | Jökull Elísabetarson | Stjóri: Willum |