Abyasa
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
'Bagawan Abyasaiya Wiyasa ' iku diarani sing nggubah wiracarita Mahabharata. Miturut Padhalangan, Abiyasa putrane Begawan Palasara (Parasara) lan Dewi Durgandini, putri Wirata. Jeneng Abiyasa ing layang Mahabharata disebut Wiyasa, dene ing Padhalangan disebut Abiyasa. Nalika mudhane nate jumeneng nata ing Astina kanthi jejuluk Prabu Kresnadwipayana.Kejaba kuwi Abyasa uga nduweni asma Dewayana (jalaran nduweni sipat-sipat kang kaya dewa), Sutiknaprawa (wong kang wicaksana), lan Rencakaprawa (demen tetulung marang liyan sing lagi nandhang cintraka). Patihe asma Jayaprayitna. Garwane Abiyasa ana telu : yaiku Dewi Ambika, atmajane Prabu Darmamuka ratu ing negara Kasi (Kasindra) iya Swantiupura, peputra Dhestharastra (Dhestharata), 2. Dewi Ambalika, rayine Dewi Ambika peputra Pandhudewanata, 3. Dewi Datri, wanita saka dharah Waisya (ing sekawit dadi perekane Dewi Ambika) peputra Yamawidura (Widura). Sawise Pandhu diwasa, keprabon Astina di pasrahake marang Pandhu jalaran kangmase, Dhestharastra, nduweni cacat netra (wuta). Abiyasa nuli mbanjurake anggone mertapa ing pertapan Wukit Retawu. Kagawa saka genturing kasutapane, Begawan Abiyasa bisa priksa sadurunge winarah. Ngerti lelakon kang bakal dumadi. Yuswane Begawan abiyasa dawa banget. Miyose barakane Resi Bisma (Dewabrata). Sedane Abiyasa ing sawise Baratayuda kanthi dipethuk nganggo kretacahya.
Artikel punika taksih tulisan rintisan (stub). Sinten kémawon ingkang kersa mbenakaken, sumangga kémawon.
Bali ing:
