Anus
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi
Ing anatomi, anus utawa silit utawa bolongan bokong (Latin: ānus) iku sawijining bukaan saka rektum nuju lingkungan njaban awak. Pambukaan lan panutupan anus diatur déning otot sphinkter. Feses dibuwang saka awak ngliwati prosès defekasi (basa Indonesia: buang air besar - BAB), kang dadi fungsi utamané anus.
Anus asring dianggep bagéyan sing tabu déning sapérangan klompok masarakat.
Bab lan Paragraf |
[sunting] Struktur
Anus menungsa ana ing bagéyan tengah bokong, bagéyan posterior saka peritoneum. Ana loro otot sphinkter anal (in sisih njero lan njaba). Otot iki mbantu nahan feses wektu defekasi. Salah siji saka otot sphinkter arupa otot polos kang kerja tanpa préntah, éwadéné liyané arupa otot rangka.
[sunting] Perané ing defekasi
Nalika rektum kebak bakal ana paningkatan tekanan ing njero lan meksa dhindhing saka saluran anus. Peksanan iki njalari feses mlebu ana ing saluran anus. Pametuné lan pambuwangan feses diatur déning otot sphinkter.
Kanggo nyegah penyakit ing anus lan minangka urip sehat, menungsa kudu ngresiki anus sawisé defekasi. Biasané anus diresiki krana mbilas nganggo banyu utawa kertas tisu toilét.
[sunting] Perané ing seksualitas
Anus duwé akèh badan akhir saraf lan arupa dhaérah kang peka. Téori Sigmund Freud perkara perkembangan psikoseksual, nyebutaké tingkat anal iku salah siji tingkatan perkembangan. Freud nyebutaké hipotesisé menawa bocah balita bisa ngrasakaké kanikmatan seksual nalika mbuwang feses.
Seks anal bisa uga mènèhi rangsangan kanggo pasangan kang saling berhubungan (ngèlingi akèh badan akhir saraf ing anus). Kanggo wanita, kanikmatan seks anal diprakirakaké asalé saka gandhéngan rektum lan vagina sing cerak sacara anatomis. Kanggo priya, daya cengkrem saka anus disebutaké dadi salah sawijining faktor kanikmatan seks anal.
Sapérangan kéwan uga nglakokaké seks anal.
Seks anal, sok disebut sodomi, yaiku aktivitas seksual kang ditabuaké déning sabagéyan masarakat. Ing Indonésia, tindak sodomi iku klebu tumindak kriminal lan dikenani sanksi paukuman.
[sunting] Pubertas
Ing mangsa pubertas, hormon testosteron duwé dhampak ing sapérangan bagéyan awaké wong lanang (kurang luwih 13-14 taun), kaya thukulé rambut pubis ing sekitaré anus. Rambut pubis thukul ing sapinggiring anus ing nomnoman umur 18 taun.
[sunting] Kaséhatan
Karesikan iku faktor kang penting kanggo kaséhatan ing sekitar anus. Mbasuh nganggo sabun lan banyu bisa gawé anus tetep ing kaanan resik. Sabun sing atos utawa ngresiki nganggo kertas tisu toilét sing kasar bisa marakaké iritasi kulit ing sekitaré anus lan bisa njalari rasa gatel.
Penetrasi anus nganggo penis utawa barang liyané bisa marakaké iritasi ing bagéyan njeron anus. Masalah iki bisa dicegah kanthi lubrikasi.
Cidrané otot sphinkter bisa ngganggu kontrol tumrap defekasi.
[sunting] Patologi
Kanker lan wasir iku penyakit kang asring nyerang anus. Bayi bisa ora duwé saluran anus utawa stenosis anus, amarga kalainan kongenital (kalainan kang dumadi nalika bayi ing mangsa kandungan). Anus uga dadi papan nularé penyakit seks menular (PMS).
[sunting] Pirsanana uga
- Sistem pancernan
- Sodomi
[sunting] Pranala jaba
- "Operation removes lightbulb from anus", Thursday, June 29, 2006 7:34 a.m. ET, Reuters.com
| Sistem pancernan - sunting |
|---|
|
Tutuk | Faring | Kerongkongan | Lambung | Pankreas | Kantung empedu | Ati | Usus alus (usus rolas driji, usus kosong, usus penyerepan) | Usus gedhé | Usus buntu | Umbai cacing | Rektum | Anus |
