Wit cemara Natal kang wus suwé didadèkaké simbol riyaya Natal déning umat Kristen, pranyata kawiwitan udakara 1000 taun kapungkur. Bab iki kelakon nalikané Santo Bonifacius priyayi kang ngristenaké bangsa Jerman, ing tengah dalan nemoni wong-wong pagan (wong-wong kang nyenyembah brahala) lagi nyembah-nyembah marang wit èk.
Kanthi murka, wong suci mau kongkonan marang panggiluté negor wit èk mau. Lan kaelokan dumadakan kelakon ing kono. Ing tilasé tegoran kayu èk mau, kanthi nengsemaké njedhul thukulan wit cemara, liwat saselaning oyot wit Ek kang wus mati. St Bonifacius nganggep iki kadidene sawijining pratandha marang kaimanan Kristiani. Sabanjure, kanthi prastawa mau, wong-wong Kristen nganggep wit cemara ana gandhèng cènèngé karo kapercayan Kristen, lan pungkasané nggawa wit-wit cemara mau mlebu ngomahé.
|
St Augustinus Hippo digambar nalika jaman Renaisans.
Aurelius Augustinus, Augustinus Hippo ("Sing akèh ngerti") (13 November 354 – 28 Agustus 430) iku sawijining santo lan Doktor Greja sing misuwur miturut gréja Katulik Roma. Dhèwèké diakoni dadi sawijining tokoh wigati ing perkembangan agama Kristen Kulon. Ing Gréja Ortodoks Wetan, sing ora nampa kabèh ajarané, dhèwèké biasané diarani "Augustinus Pinaringan Berkah". Akèh wong Protèstan uga nganggep dhèwèké salah satunggalé sumber pamikiran téologis ajaran Réformasi bab kaslametan lan anugrah. Martin Luther, tokoh gerakan Reformasi, akèh dipengaruhi déning Augustinus (Luther dilatih dadi sawijining biarawan Augustinian), lan ing jero fokus umum Protestanisme, ngetutaké Augustinus, ing paham dosa asal sing nuntun menyang penilaian pesimis saka sebab lan aksi manungsa kapisah saka Gusti Allah.
Tulisan-tulisané - kalebu Pangakonan Augustinus, sing kerep diarani otobiografi Donya Wétan kang kapisan - isih diwaca kalangan amba déning wong-wong Kristen sadonya.
|
Vatikan yakuwi negara mardhika paling cilik ing donya, saka ambané wilayah lan jumlah pedunung. Vatikan minangka sawijining enklave lan dikubengi kutha Roma ing Italia. Vatikan minangka panggonané Paus lan wilayah Takhta Suci, otoritas pusat Greja Katulik. Tlatah ing kutha Roma kang sadurungé ora ana pedunungé iki (ager vaticanus) tansah dianggep keramat, malah sadurungé agama Kristen mlebu ing tlatah mau. Taun 326, gereja pisanan diwangun ing sakdhuwuré panggonan sing diperkiraaké makam Santo Petrus. Wiwit wektu samono panggonan iki tansaya akèh dipanggoni warga. Para Paus jroning peran sekularé wiwit ngambakaké pengaruh menyang daerah-daerah saubengé lan liwat negara-negara Paus mrintah daerah-daerah ing semenanjung Italia sing suwéné luwih saka sèwu taun nganti pertengahan abad ka 18 nalika Italia didadèkaké siji. Wektu kuwi daerah negara Paus disita déning Karajan Italia kang nembé diadegaké.
|
|
- ...yèn Prejanjèn Lawas kuwi bagéan utama pisanan jroning Alkitab?
- ...yèn tembung 'Alkitab' asalé saka basa Arab Kutiba kang tegesé katetapan-katetapan utawa hukum?
- ...yèn surat Yudas ditulis kanggo piweling supaya waspada marang guru-guru palsu kang ngaku Kristen?
Warta
|
|
sunting |
|
Cithakan:Gapura:Kristen/Warta
|
|
|
Gapura Agama
|
|
|
|
Islam |
Kristen |
Buddha |
Hindhu |
|
|