Wiktionary

Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Mardika mawi basa Jawi

Logo en:Wiktionary

Wiktionary, utawa --ing edisi basa Indonésia-- Kamus Wiki (http://www.wiktionary.org) iku sawijining proyèk kerabaté Wikipedia sing ditujoaké minangka kamus wiki bébas (kalebu tesaurus lan leksikon) ing kabèh basa. Wiktionary ing edisi basa Inggris (en.wiktionary.org) dibukak sepisanan tanggal 12 Desember 2002 minangka tindak lanjut proposal Daniel Alston. Tanggal 29 Maret 2004, wiktionary ing edisi basa liyané, yaiku Prancis lan Polandia, wiwit dibukak. Wiwit wektu iku, wiktionary ing edisi basa liyané uga wiwit dibukak. Awalé, wiktionary nginduk ing URL sauntara nganti akhiré tanggal 1 Mei 2004 dipindhah ing URL penuh.

Wiktionary dicawisaké kanggo

njelasaké arti tembung, istilah, lan singkatan
tesaurus kanthi cara nunjukaké sinonim
nerjemahaké tembung-tembung saka sawijining basa nuju basa liyané.

Ora kaya kamus umumé sing monolingual/ekabasa utawa bilingual/dwibasa, Wiktionary arupa kamus multilingual/multibasa lan internasional, sing tegesé duwé tujuan kanggo nyakup saben tembung saka kabèh basa sing dimangertèni lan nglakokaké ing manéka warna basa. Minangka conto, Wiktionary edisi basa Inggris ngandhung entri/lema saka manéka warna basa, namung ditulis ing basa Inggris. Wiktionari edisi basa Indonésia uga bisa duwé artikel-artikel sing padha karo edisi basa Inggris, nanging artikelé ditulis ing basa Indonésia.

Bédané antarané Wiktionary lan Wikipédia iku akèhé entriné diwiwiti kanthi huruf cilik. Minangka conto, entri kanthi huruf cilik i lan kapital I béda.

[sunting] Kamus Wiki

Ing kaca iki panjenengan bisa nggolèki arti tembung sawijining lemma utawa entri ing basa Indonésia. Menawa panjenengan péngin nyumbang entri, mila bakal banget diregani. Ing ngisor iki sabagéan saka daftar tetembungan ing basa Indonésia miturut susunan abjad :-

Perlu ditekanaké ing kéné menawa tembung-tembung sing diamot ing njero daftar tembung iki yaiku tembung-tembung saka kosakata basa Indonésia. Dadi disuwun, jeneng-jeneng tokoh, negara lan bab-bab liyané aja dilebokaké ing kéné.

Daftar tembung iki diamot kanggo artikel-artikel sing ora duwé kaca penghubung supaya aja dadi artikel yatim.

Perlu uga ditekanaké ing kéné supaya aja asal njupuk hak karya wong liya sing kareksa ing sangisoré Undang-Undang hak cipta. Tulung supaya mènèhi sumber informasi menawa mungelaké!