ერთი ცის ქვეშ

ვიკიპედიიდან

ერთი ცის ქვეშ
კინოსტუდია:	ქართული ფილმი
სცენარის ავტორი:	ლანა ღოღობერიძე, არჩილ სულაკაური
დამდგმელი რეჟისორი:	ლანა ღოღობერიძე
ოპერატორი:	ლევან პაატაშვილი
მხატვარი:	დიმიტრი თაყაიშვილი, ნიკოლოზ იგნატოვი
კომპოზიტორი:	რევაზ ლაღიძე
ხმის ოპერატორი:	ვლადიმერ დოლიძე
გამოსვლის თარიღი:	1961
ხანგრძლივობა:	77 წთ.
ქვეყანა:	სსრკ საქ. სსრ
ენა:	ქართული
IMDb პროფილი

ფილმი გადაღებულია ლეო ქიაჩელის მოთხრობის „თავადის ქალი მაიას“ და არჩილ სულაკაურის ნოველების „მტრედების“ და „ფრესკას“ მიხედვით. იგი მოგვითხრობს სამი ამბავის შესახებ.

[რედაქტირება] სიუჟეტი

ფრთხილად! ქვემოთ მოყვანილია სიუჟეტის და/ან დასასრულის დეტალები.

სამი ამბავი:

„თავადის ქალი მაია“ — ჟამგადასული მზეთუნახავი, თავადის ქალი მაია ისტორიულად განწირული კლასის წარმომადგენელია; მას სიყვარულის ჟინი აწუხებს, მაგრამ სიყვარული მისთვის ადამიანებზე ბატონობას ნიშნავს და უბედურება მოაქვს ყველასთვის ვისაც შეიყვარებს. ახალ, რევოლუციურ ცხოვრებაში ადგილი არა აქვს არც მაიას და არც მის სიყვარულს, რაც ისევე განწირულია, როგორც თვით მაია.
„მტრედები“ — მეორე მსოფლიო ომის ღრუბელი მუქარასავით ჩამოწოლილა თბილისელი ახალგაზრდების მომავალზე. მოკრძალებით, გაუბედავად ისახება ნანისა და ლევანის პირველი სიყვარული, ლევანი ფრონტზე მიდის, ნანი ელოდება მის დაბრუნებას. ფრონტიდან კი ლევანის დაღუპვის ამბავი მოდის.
„ფრესკა“ — კინონოველა გაუმჟღავნებელი სიყვარულის და გაცრუებული იმედების შესახებაა და არქიტექტორ ქალზე მოგვითხრობს, რომელსაც მხატვარი ვაჟი შეჰყვარებია. მაგრამ ვაჟს სხვა უყვარს და ქალი ძალას იკრებს, რათა გულში ჩაიკლას გამოუთქმელი გრძნობა.^[1]