ტრიბეკა
ვიკიპედიიდან
ტრიბეკა (TriBeCa - Triangle Below Canal Street - სამკუთხედი კანალის ქუჩის ქვემოთ) -- უბანი ქვემო მანჰეტენზე, ნიუ-იორკი. იწყება კანალის ქუჩიდან და გრძელდება სამხრეთით პარკ-პლეისამდე, ხოლო მდ. ჰუდზონიდან აღმოსავლეთით ბროდვეიმდე.
თავდაპირველად განვითარდა როგორც ინდუსტრიული უბანი, ძირითადად სასაწყობე შენობებით, ბოლო ათწლეულში კი მნიშვნელოვანი გადახალისება განიცადა. მრავალი საწყობი საცხოვრებელ ლოფტად გადაკეთდა, უბანში გაჩენილმა ახალმა სავაჭრო და შემოქმედებითმა დაწესებულებებმა კი მას რადიკალურად შეუცვალა იერი. უბნის მცხოვრებლებს ეს არემარე მოსწონთ შერეული ზონირებით მიღებული სიმშვიდისა და ჰარმონიულობის გამო, რასაც მრავალრიცხოვან კაფეთა და რესტორანთა ცოცხალი ატმოსფერო ერწყმის.
ტრიბეკა ამჟამად მოდური საცხოვრებელი უბანია, სადაც ძირითადად შეძლებული ნიუ-იორკელები ცხოვრობენ. ქუჩების უმრავლესობა ბუტიკებითა და ძვირფასი რესტორნებით (მათ შორის: ნობუ, შანტრელი და ბული) არის ჩამწკრივებული. ტრიბეკა ყოველწლიურად მასპინძლობს ტრიბეკას კინოფესტივალს. აქ ხშირად იღებენ კინოფილმებს, მათ შორის იყო 1984 წლის ჰიტი Ghostbusters, რომელიც ამ უბნის სახანძროში გადაიღეს.
ტრიბეკაში მრავალი ცნობილი პიროვნება ცხოვრობს, მათ შორის მერაია კერი, ჰარვი კეიტელი, ჯეიმს განდოლფინი, მაიკლ იმპერიოლი და რობერტ დენირო (რომელიც ტრიბეკას კინოფესტივალის ერთ-ერთი დამფუძნეველი იყო 2002 წელს). ჯონ კენედი უმცროსიც აქ ცხოვრობდა.
2001 წლის 11 სექტემბრის ტერაქტის შემდეგ ტრიბეკამ მწვავე ფინანსური კრიზისი განიცადა. მიუხედავად ამისა, სამთავრობო გრანტების წყალობით უბანმა სული მალე მოითქვა. 2000-იანი წლების უძრავი ქონების ბუმის პერიოდში ტრიბეკას ბინების ფასებმა მანჰეტენის ყველა სხვა უბანს გაუსწრო. 2006 წელს ჟურნალი ფორბსი საფოსტო კოდ 10013-ს ტრიბეკაში აშშ-ის მე-12 ყველაზე ძვირ უბნად ასახელებს.
[რედაქტირება] რესურსები ინტერნეტში
|
|
|
 |
ალფაბეტ სიტი · ანსონია · ბატერი პარკ სიტი · ბოვერი · ჩელსი · ჩაინატაუნი · დაიმონდ დისტრიქტი · ისტ ვილიჯი · ფაინენშიალ დისტრიქტი · ფლატირონ დისტრიქტი · გარმენტ დისტრიქტი · გრამერსი · გრინვიჩ ვილიჯი · ჰამილტონ ჰაიტსი · ჰარლემი · ჰელს კიჩენი · ჰადსონ ჰაიტსი · ინვუდი · კიპს ბეი · კორიათაუნი · ლიტლ იტალი · ქვემო ისტ საიდი · ქვემო მანჰეტენი · მანჰეტენვილი · მარბლ ჰილი · მიდთაუნი · მიტპაკინგ დისტრიქტი · მორნინგსაიდ ჰაიტსი · მიურეი ჰილი · ნოჰო · ნოლიტა · რუზველტ აილენდი · სოჰო · ესპანური ჰარლემი · სტაივესან ტაუნი · ტენდერლოინი · ტაიმს-სქვერი · ტრიბეკა · ტარტლ ბეი · ზემო ისტ-საიდი · ზემო ვესტ-საიდი · ვაშინგტონ ჰაიტსი · ვესტ ვილიჯი · იორკვილი |
