ಸಚಿನ್ ತೆಂಡೂಲ್ಕರ್
Wikipedia ಇಂದ
ಸಚಿನ್ ರಮೇಶ್ ತೆಂಡೂಲ್ಕರ್ (ಜನನ: ೨೪-ಏಪ್ರಿಲ್-೧೯೭೩) ಭಾರತದ ಕ್ರಿಕೆಟ್ ಆಟಗಾರ. ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹಲವು ದಾಖಲೆಗಳನ್ನು ಮಾಡಿದ್ದಾರೆ. ವಿಸ್ಡನ್ ಪತ್ರಿಕೆ ಇವರನ್ನು ಸರ್ ಡಾನ್ ಬ್ರಾಡ್ಮನ್ ನಂತರ ವಿಶ್ವದ ಅತಿ ಶ್ರೇಷ್ಟ ಆಟಗಾರರೆಂದು ಹೆಸರಿಸಿತ್ತು. ಬಾಲಕನಾಗಿದ್ದಾಗಲೆ ಕ್ರಿಕೆಟ್ ಆಟದಲ್ಲಿ ಉತ್ತಮ ಕೌಶಲ್ಯ ತೋರಿದ ಬಲಗೈ ಬ್ಯಾಟ್ಸ್ಮನ್ ಸಚಿನ್, ಮುಂಬೈ ತಂಡದ ಪರವಾಗಿ ರಣಜಿ ಪಂದ್ಯಗಳನ್ನಾಡಿದರು. ನಂತರ, ತಮ್ಮ ಹದಿನಾರನೇ ವಯಸ್ಸಿನಲ್ಲಿ ಪಾಕಿಸ್ತಾನದ ವಿರುದ್ಧ ೧೯೮೯ರಲ್ಲಿ ಟೆಸ್ಟ್ ಪಂದ್ಯ ಆಡುವುದರ ಮೂಲಕ ಅಂತರರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದರು. ಟೆಸ್ಟ್ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡಿದ ಭಾರತದ ಅತ್ಯಂತ ಕಿರಿಯ ಆಟಗಾರರಾದರು.
ಒಂದು ದಿನದ ಪಂದ್ಯಗಳಲ್ಲಿ ಆರಂಭಿಕ ಆಟಗಾರನಾಗಿ ಬ್ಯಾಟ್ ಮಾಡುವ ಸಚಿನ್, ಟೆಸ್ಟ್ ಪಂದ್ಯಗಳಲ್ಲಿ ನಾಲ್ಕನೆ ಕ್ರಮಾಂಕದಲ್ಲಿ ಆಡುವುದು ಸಾಮಾನ್ಯ. ಅವಶ್ಯವೆನಿಸಿದಾಗ, ನಿಧಾನ ವೇಗದ ಬೌಲಿಂಗ್ ಕೂಡ ಮಾಡುವುದುಂಟು.
ಪರಿವಿಡಿ |
[ಬದಲಾಯಿಸಿ] ಪ್ರತಿನಿಧಿಸಿದ ತಂಡಗಳು
[ಬದಲಾಯಿಸಿ] ಟೆಸ್ಟ್ ಪಂದ್ಯಗಳ ಅಂಕಿಅಂಶಗಳು
- ಪಂದ್ಯಗಳು: ೧೩೧
- ರನ್ನುಗಳು: ೧೦೪೩೪
- ಸರಾಸರಿ: ೫೫.೭೯
- ಅತಿಹೆಚ್ಚು: ೨೪೮
- ವಿಕೆಟುಗಳು: ೩೭
- ಕ್ಯಾಚುಗಳು: ೮೧
[ಬದಲಾಯಿಸಿ] ಒಂದು ದಿನದ ಪಂದ್ಯಗಳ ಅಂಕಿಅಂಶಗಳು
- ಪಂದ್ಯಗಳು: ೩೬೪
- ರನ್ನುಗಳು: ೧೪೨೮೯
- ಸರಾಸರಿ: ೪೪.೬೫
- ಅತಿಹೆಚ್ಚು: ೧೮೬*
- ಶತಕಗಳು : ೪೦
- ವಿಕೆಟುಗಳು: ೧೪೨
- ಕ್ಯಾಚುಗಳು: ೧೦೭
[ಬದಲಾಯಿಸಿ] ವಿಶ್ವದಾಖಲೆಗಳು
- ಟೆಸ್ಟ್ ಪಂದ್ಯಗಳಲ್ಲಿ ಅತಿಹೆಚ್ಚು ಶತಕಗಳು
- ಅತಿಹೆಚ್ಚು ಒಂದು ದಿನದ ಅಂತರರಾಷ್ಟ್ರೀಯ ಪಂದ್ಯಗಳು
- ಒಂದು ದಿನದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿಹೆಚ್ಚು ರನ್ನುಗಳು
- ಒಂದು ದಿನದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿಹೆಚ್ಚು ಶತಕಗಳು
- ಒಂದು ದಿನದ ಅಂತರರಾಷ್ಟ್ರೀಯ ಪಂದ್ಯಗಳಲ್ಲಿ ಅತಿಹೆಚ್ಚು ಪಂದ್ಯಪುರುಷೋತ್ತಮ ಪ್ರಶಸ್ತಿಗಳು
- ವಿಶ್ವಕಪ್ ಕ್ರಿಕೆಟ್ನಲ್ಲಿ ಅತಿಹೆಚ್ಚು ರನ್ನುಗಳು
[ಬದಲಾಯಿಸಿ] ಪ್ರಶಸ್ತಿಗಳು / ಗೌರವಗಳು
- ೧೯೯೭ - 'ವಿಸ್ಡನ್ ವರ್ಷದ ಕ್ರಿಕೆಟಿಗ' ಪ್ರಶಸ್ತಿ.
- ೧೯೯೭-೯೮ನೇ ಸಾಲಿನ ರಾಜೀವ್ಗಾಂಧಿ ಖೇಲ್ರತ್ನ ಪ್ರಶಸ್ತಿ, ಭಾರತದ ಸರ್ವೋತ್ತಮ ಕ್ರೀಡಾಪ್ರಶಸ್ತಿ.
- ೧೯೯೯ - ಭಾರತ ಸರ್ಕಾರದ ಪದ್ಮಶ್ರಿ ಪ್ರಶಸ್ತಿ.
- ೨೦೦೨- ಪ್ರತಷ್ಠಿತ ಟೈಮ್ ಪತ್ರಿಕೆಯ ಭಾರತದ ಅವತರಿಣಿಕೆಯ ಮುಖಪುಟದಲ್ಲಿ ಸಚಿನ್ ಭಾವಚಿತ್ರ ಪ್ರಕಟಣೆ.
- 'ಲಿಟ್ಲ್ ಮಾಸ್ಟರ್', 'ಮಾಸ್ಟರ್ ಬ್ಲಾಸ್ಟರ್' ಎಂದು ಪ್ರಖ್ಯಾತ.
- ೧೯೯೮ - ಆಸ್ಟ್ರೇಲಿಯಾದ ಅಡಿಲೇಡ್ನಲ್ಲಿ ನಡೆದ, ಕ್ರಿಕೆಟ್ ಜಗತ್ತಿನ ದಂತಕಥೆ ಸರ್.ಡೊನಾಲ್ಡ್ ಬ್ರಾಡ್ಮನ್ ಅವರ ತೊಂಬತ್ತನೆ ಜನ್ಮದಿನೋತ್ಸದಲ್ಲಿ ಶೇನ್ ವಾರ್ನ್ ಜೊತೆ ಸಚಿನ್ ವಿಶೇಷ ಆಹ್ವಾನಿತರು.
[ಬದಲಾಯಿಸಿ] ಇತರೆ ಮಾಹಿತಿ
- ಮೂರನೆ ಅಂಪೈರ್ ನಿರ್ಣಯದಿಂದ ರನ್ಔಟ್ ಆದ ಮೊದಲ ಆಟಗಾರ.
- ಯಾರ್ಕ್ಶೈರ್ ತಂಡದ ಪರವಾಗಿ ಮೊದಲ ಬಾರಿಗೆ ಆಡಿದ ಬೇರೆ ದೇಶದ ಆಟಗಾರ