Celal Talebanî

Ji Wîkîpediya

Celal Talabanî (ﻰﻧ ﺎﺑﻪﻟﺎﺗ ﻝﻻﻪﺟ, Erebî: جلال طالباني‎) siyasetvanek kurd û serokkomarê Iraqê ye.

Talabanî di sala 1933 de li Başûrê Kurdistanê li gundekî girêdayî Dokanê ji dayîk bû. Xwendina xwe ya destpêkê û navîn li Koysinceq û ya lîseyê li Hewlêr û Kerkûkê qedand.

Talabanî di ciwaniya xwe de beşdarî xebata siyasî bû ye, ew di sala 1951 weke endamê Komîteya Navendî ya PDK hate hilbijartin. Di 1953 de wî li zanîngeha Bexdayê dest bi xwendina hiqûqê kir û ligel hinek hevalên xwe yên xwendekar bi awayekî dizî Yekîtiya xwendekarên Kurdistanê damezirand.

Di sala 1956 de ji ber xebata xwe ya siyasî dest ji xwendinê berda. Sala 1961 ligel Mele Mistefa Barzanî dest bi şerê çekdarî kir. Piştre ji ber cudabûna bîr baweriyên siyasî di navbera wî û Mele Mistefa Barzanî de di 1964 de ji PDK cuda bû û Partiya Şoreşgerî ya Kurdistanê damezirand.

Di sala 1970 de piştî peymana 11 Adarê careke din li Mele Mistefa Barzanî vegeriya. Piştî têkçûna Peymana 11 Adarê di navbera Kurdan û hikûmeta Iraqê de di sala 1975 de, Talabanî sala 1975 Yekîtiya Niştimanî Kurdistan ava kir.

Celal Talabanî bi keça nivîskarê navdar Îbrahîm Ehmed bi Hêro Xanim re zewicî ye.

Talabanî bi hunera xwe ya dîplomasiyê nasdar e.

Di 7 avrêl 2005'an de Talabanî bi hilbijartinê bû serokkomarê Iraqê.