Dasserghyans Kernewek
Dhyworth Wikipedia, an godhoniador rydh
Dasserghyans an taves Kernewek a dhallathas yn 1904 gans dyllans Handbook of the Cornish Language, gans Henry Jenner.
Contents |
[chanjya] Istori
Wosa Jenner, Robert Morton Nance a wre hembrenkya an movyans a-barth Kernewek.
[chanjya] Studh arnowydh
Yma teyr rannyeth "ha hanter" y'n yeth kernewek dasserghyes:
- Kernewek Unys (~1929)
- Kernowek Unys Amendys (~1997)
- Kernewek Kemmyn (~1986)
- Kernuack Nowedga (~1986)
Nebes fleghes re dhyskis Kernewek dasserghyes avel vammyeth dhiworth aga herens a Gernewegoryon. An Dasserghyans re askorras niver veur a hwelyow lyenn Kernewek ynwedh. Mes yma lies kaletter hwath rag an yeth: nyns eus plas fast rag Kernewek yn adhyskans, hag yma lies studhyer an yeth owth hedhi gul devnedh anodho wosa dhiwedh y studhyans.
Savla nowydh an yeth avel daves ranndiryel, gwaynyes yn 2002, a wra chons rag avonsyans meur. A-dhia an vlydhen na, niver a fondyansow a-barth an taves re veu gwrythys, yn arbennik Maga (Keskowethyans an Taves Kernewek), hag unn Rewlyores rag displegya an Taves Kernewek a veu dewisys. An Strateji rag an Yeth Kernewek re veu dyllys.
A-dhia 2006, yma keskusulyans tu hag unn furv skrifys savonek. Kernowak Standard a veu avonsyes gans UdnFormScrefys, unn bagas ledan a skoedhoryon skrif-kompoester hengovek. Albert Bock ha Ben Bruch a wrug profya Kernowek Dasunys avel dhasfurvyans Kernewek Kemmyn. Yn mis Kevardhu 2007, bagas ad hoc a wrug devisya furv savonek yntra Kernewek Kemmyn ha Kernowak Standard. Byttegyns, nag yw manylyon oll ervirys ha dyllys hwath.
[chanjya] Bagasow
Lies fondyans a hwil avonsya an yeth kernewek.
- Agan Tavas a skoedh Kernewek Unys [1]
- Burow Europek an Yethow Nebes Kewsys: yma ganso dregh kernewek
- Dalleth a skoedhyas megyans fleghes dre Gernewek (lemmyn rann Kowethas an Yeth Kernewek yw)
- Gorseth Kernow: yma dhedhi kevrennow gans gorsedhow erell yn Kembra ha Breten Vyghan; bardhek/drewydhek yw hy hengovyon hag arwoedhogeth [2]
- Kowethas an Yeth Kernewek a skoedh Kernewek Kemmyn hag a dhyllo An Gannas [3]
- Teer ha Tavas a skoedh Kernewek Nowyjya[5]
- Cussel an Tavas Kernuack a skoedh Kernewek Nowyjya hag a dhyllo An Garrack
[chanjya] Gwelewgh ynwedh
- Govel Geryow Yma an wiasva ma ow kasa y hwrello Kernewegoryon geryow nowydh warbarth, herwydh an edhomm