Pab
Dhyworth Wikipedia, an godhoniador rydh
 Alhwedhow Peder – kota arvow an Babeth. |
 Joseph Ratzinger, devedhys Pab Benedikt XVI yn 2005. |
Pab yw penn an Eglos Katholik Romanek hag Epskop Rom. Herwydh an Eglos Katholik, an Pab a'n jeves hwath an awtorita ros gans Yesu Krist dhe Symon Peder, h.e. an alhwedhow dhe'n Nev ha'n Nor. Ytho, an Pab yw ughella ages epskobow, arghepskobow, ha pronteryon oll – hepken Konsel Ekywmenek, rag ensampel Vatikan II, a'n jeves moy a alloes y'n Eglos. Hwath pella, an Pab yw sovran Sita an Vatikan – stat-sita ansoedhogel yn kres Rom. An Pab a-lemmyn yw Benedikt XVI, genys Joseph Ratzinger yn Bavari, Almayn, ha dewisys avel Pab yn 2005 wosa mernans Jowann Pawl II. Bys yn 1870, an Pab a rewla rann vras a Itali gres, gelwys Patrimonium Petri ('Eretons Peder').
Ofis ha nerth an Pab o unn acheson chyf a'n Dasfurvyans, hag a greatyas an Eglosyow Protestant, Anglikanek, h.e.
Yn lyenn Kernewek, an Pab Sylvester a saw Kostentin Veur a gleves meur yn Bywnans Meryasek.
Aroedh myghternses an Pab yw kurun tryblek gelwys an triregnum.
