Arabia Saudiana
E Vicipaedia
|
|||||
Sententia nationalis: لا إله إلا الله محمد رسول ال Lā ilāhā illā-llāhu; muhammadun rasūlu-llāhi Non deus absque Allah est; Machometus vates dei est |
|||||
Lingua | Arabica | ||||
Caput | Riadum | ||||
Rex | Abdulla bin Abdul-Aziz al-Saud | ||||
Area - Totalis - % aqua |
locum 14 2,218,000 km² Negligibilis |
||||
Numerus incolarum
- Spissitas incolarum |
locum 45
12/km² |
||||
Unificatio | 23 Septembris, 1932 | ||||
Moneta | Regalis | ||||
Zona Horaria | UTC +3 | ||||
Hymnus Nationalis | Aash Al Maleek | ||||
Interretis abbreviatio | .SA | ||||
Praefixum telephonicum | 966 |
Regnum Arabiae Saudianae (Arabice: المملكة العربية السعودية, al-Mamlaka al-'Arabiya as-Sa'udiya) est civitas maxima in paeninsula Arabiana. Civitates Iordaniam, Iraquiam, Cuvaitum, Quatariam, Baharina, Phylarchiarum Arabicarum Confoederationem, Omaniam, et Iemeniam contingit. Etiam Mare Rubrum Sinum Persicumque contingit. Praeter Lichtenstenum, Arabia Saudiana civitas est unica in orbe de nomine familiae regiae nominata esse. Caput est Riadum.
Index |
[recensere] Historia
Multae gentes paeninsulam incoluerunt per amplius 5000 annorum. Cultura Tyli, iuxta Sinus litus, Sumericae et Antiquis Aegyptiis aequaeva erat, et pleraque Mundi Antiqui imperia commerciales mutationes cum paeninsularibus civitatibus statuerunt.
Religionis Islamicae conditus a Machometo anno 620 et insequens religiosum pondus Arabicarum urbium Meccae et Medinae istius territorii gubernatores considerabilem vim ultra paeninsulam concesserunt.
Civitas Saudiana Media in Arabia anno 1744 oritur. Localis dux, Machometus bin Saud, religionis Islamicae emendatori, Machometo Abd Al-Wahhab sociatus est ad novam politicam rem creandam. Moderna Civitas Saudiana ab ultimo rege Abdulo Aziz Al-Saud condita est (internationaliter Abdulo Aziz Ibn Saud noto). Anno 1902, Abdulus Aziz Ibn Saud Riadum, priscum dynastiae Saudianae caput, rivali familiae Rasidianae cepit. Perseverando in his occupationibus, Abdulus Aziz Alhasam (Arabice لأحسا ) et reliqua Nedzdum (Arabice نجد ) et Hedzazum (Arabice الحجاز) inter annos 1913 et 1926 subegit. Die 29 Ianuarii anni 1927 titulum Regis Nedzdani cepit (suus prior Nedzdanus titulus Sultani erat). Cum Pacto Ieddano, die 20 Maii anni 1972 obsignato, Britanniarum Regnum regni Abduli Aziz independentiam (tunc Regni Hedzazi et Nedzdi noti) agnovit. Anno 1932, hae regiones Regnum Arabiae Saudianae coniunctae sunt. Petroleum die 3 Martii anni 1938 inventum nationis formam vertit.
Limites cum Iordania, Iraquia et Cuvaito pactorum decennium 193 tractatorum serie statuti sunt, quae duas "neutras zonas" -aliam cum Iraquia et aliam cum Cuvaito- creaverunt. Saudocuvaitana neutra zona anno 1971 coniunctim administrata est, partita quaque civitate petroliferas zonae opes aequaliter.
Consensus conatus ad Saudiraquianam neutram zonam partiendam anno 1981 ad extremum venerunt et finiverunt anno 1983. Meridionalis limes cum Iemenia anno 1934 cum Pacto Taefano, inter ambas civitates finitimum bellum conficiente, partim definita est. Addititium pactum Iunio anni 2000 obsignatum cum Iemenia limitis partes adumbravit. Inter Arabiam Saudianam et Phylarchiarum Arabicarum Confoederationem limitis locus statusque nondum confecti sunt; de facto limes consensum anni 1974 reflectit. Inter Arabiam Saudianam et Quatariam limes Martio anni 2001 definitus est. Limes cum Omania nondum terminatus est.
Per Bellum Arabico-Israelianum anni 1973, Arabia Saudiana Arabici petrolei boycottationem Civitatibus Foederatis et Bataviae participavit. Consociationis Nationum Exportatoriarum Petrolei sodalis, Arabia Saudiana aliis nationibus sodalibus iuncta est ut modice petrolei pretium anno 1971 elevaretur.
Annis 1990 et 1991, rex Fahdus decretorium munus obivit ante et per Bellum Sinus: Arabia Saudiana Cuvaitanam regalem familiam praeter 400 000 refugitorum accepit et Occidentalium copiarum Cuvaitum postero anno liberaturarum introitum in suum territorium simul permisit.
Tunc rege Fahdo infarctum Novembre anni 1995 passo, eius successor Princeps Heres Abdŭlla operariarum responsalitatum multas assumpsit. Mortuo rege Fahdo Kalendis Augustis anni 2005, Abdulla ei successit, se praesens rex Arabiae Saudianae reddens.
[recensere] Geographia
Regnum Arabiae Saudianae 80% Paeninsulae Arabicae occupat. Maxima limitum pars cum Phylarchiarum Arabicarum Confoederatione, Omania et Iemenia nondum definita est, ergo exacta nationis magnitudo nec definita est. Saudiana gubernatio eam aestimat 2 217 949 chiliometrorum quadratorum latam, sed fide dignae aestimationes aliae inter 2.149.690 et 2.240.000 chiliometrorum quadratorum variant. Minor quam 1% est area apta culturae, et ineunte decennio 200 incolae inter Orientalium Occidentaliumque litoralium arearum urbes intestinasque oases, dense habitatos, et vasta deserta, paene vacua, multo variabant.
Clima durum est, siccorum desertorum cum magnis temperaturae extremis, et territorium praecipue arenosa deserta inhabitata est. Arabia Saudita quindecim civitatum nominatas "cunas humanitatis" amplexarum una esse putatur.
In maxima nationis parte, gignentia herbis fruticibusque se continent. Silvestria animalia, velut oryx, Saudianis venatoriis societatibus exterminata sunt quia ballistariis utuntur. Litoralis area Maris Rubri, et praesertim scopuli corallini, marinam faunam exuberantem habent.
[recensere] Urbes
Maximae urbes secundum incolas (2007) |
miliones |
---|---|
Riadum | 4.7 |
Iedda | 3.6 |
Mecca | 1.7 |
Medina | 1.3 |
Dammamum | 1.3 |
Taefum | 0.7 |
Buraeda | 0.6 |
Tabucum | 0.5 |
Chamis Musaetum | 0.4 |
Hofufum | 0.3 |
[recensere] Divisio administrativa
Arabia Saudiana in tredecim provincias sive regiones (Arabice مناطق, in singulare منطقة) divisa est:
Nº | Provincia | Provincia Arabice | Caput | Caput Arabice |
---|---|---|---|---|
1 | Albaha | الباحة | Albaha | الباحة |
2 | Septemtrionalis Margo | الحدود الشمالية | Ararum | عرعر |
3 | Aldzaufum | الجوف | Aldzaufum | الجوف |
4 | Medina | المدينة | Medina | المدينة |
5 | Alquassimum | القصيم | Buraeda | بريدة |
9 | Haelum | حائل | Haelum | حائل |
8 | Asirum | عسير | Abha | أبها |
7 | Orientalis Provincia | الشرقية | Dammamum | الدمام |
6 | Riadum | الرياض | Riadum | الرياض |
13 | Tabucum | تبوك | Tabucum | |
12 | Nadzranum | نجران | Nadzranum | نجران |
11 | Mecca | مكة | Mecca | مكة |
10 | Dzizanum | جيزان | Dzizanum | جيزان |
[recensere] Demographia
Arabiae Saudianae incolae anno 2003 circiter 24,3 miliones esse aestimantur, inclusis circiter 6,4 milionibus advenarum sessoribus. Usque ad decennium 197 plerique incolae nomades aut seminomades erant sed propter rapidum oeconomicum urbanumque incrementum, amplius 95% incolarum nunc sedentarium est. Aliquae urbes oasesque spissitudines incolarum amplius 1000 incolarum pro chiliometro quadrato habent.
Plerique Saudiani ethnice Arabes sunt. Aliqui ethnicae originis mixtae sunt et a Turcis, Iranianis, Indis, Afris et aliis orti sunt, quorum plerique in nationem modo peregrinorum venerunt et regionem Hedzazi, iuxta Maris Rubri litus, incolunt. Multi finitimarum nationum Arabes in regno laborant. Sunt etiam significativi Asiaticorum exulum, praecipue ex India, Pakistania, Bangladesia, Indonesia et Philippinis profectorum, numeri. Minus quam 100.000 Occidentalium civium in Arabia Saudiana sunt.
Difficile numeros exactos de religionibus professis in Arabia Saudiana calculare est, quia Gubernatio 100% civium Musulmanum esse affirmat.
Lingua Arabica exemplaris sollemnis lingua est. Incolae huius linguae duabus colloquialibus varietatibus loquuntur: Arabica Hedzazi loquitur nationis Occidentalis zona (42% incolarum) et Arabica Nedzdi Orientalis zona (56%).
[recensere] Cultura
Arabiae Sauditae cultura paene tota Religione Islamica fundatur. Duo loci sacerrimi in hac natione sunt, quae religionis cunae se considerat. Islamica monotheistica religio est, cuius liber sacer Alcoranum.
Unum sollemniorum popularium notissimorum Arabiae Saudianae ardha, popularis saltatio, est. Haec saltatio gladii antiquis Beduinis traditionibus fundatur: tympana concentu resonant, dum poetae versibus canentis vocem comitantur et homines cum gladio in pugno saltant ex utraque parte.
[recensere] Politia
Arabia Saudiana monarchia absoluta est, ergo rex non solum dux civitatis sed etiam gubernationis est. Basica lex anno 1992 adoptata Arabiam monarchiam a regis Abdi Al Aziz Al Saud filiis et nepotibus gubernatam declaravit.
Natio ingentem contemptionem iurum humanorum ostendit. Attamen, propter internationales pressiones eius regiminis absolutistici rigor deminuit. Anno 2005 prima municipalia comitia in illa natione, perturbata comitia re vera, sed magnus gradus tam rigidae traditionis nationi fuit.
Quamquam regimen absolutisticum habeat, Arabia Saudiana praecipua Civitatum Foederatarum socia musulmana in regione est.
Nec potestas legisfera nec constitutio nec partes politicae sunt. Rex secundum Sariam, Islamicae religionis sacram legem, gubernat. Arabia Saudiana pertinet ad secutas consociationes: ad Argentariam Mundanam, ad Aerarium Monetarium Internationale, ad Consociationem Nationum et ad Consociationem Nationum Exportatoriarum Petrolei.
[recensere] Oeconomia
Petrolei extractio exportatioque oeconomicam activitatem praecipuam constituit, cum Arabia Saudiana Consociationis Nationum Exportatoriarum Petrolei maxima productoria natio. Etiam significativas gasii naturalis quantitates producuntur.
Usque ad nuper, agriculturae productio aquae inexsistentia et solo salinitate circumscribebatur. Nunc, irrigationis opera, Arabia Saudiana magna tritici productoria natio facta est. Datylus, lycopersicum, Citrullus lanatus, hordeum, uva, cucumis sativus, abobra, melongena, tuberosolanum, carota et cepa etiam ponderis culturae sunt.
Praecipuae commerciales sociae nationes Arabiae Saudianae Civitates Foederatae Americae, Iaponia, Britanniarum Regnum, Germania, Francogallia et Respublica Coreae sunt.
Arabia Saudiana magnus locus immigrationis e Meridionali Orientali Asia et Orientali Africa profectae est, praesertim haud exercitatorum operariorum.
[recensere] Religio
Arabia Saudiana Religionis Islamicae ortus locus fuit. In praesenti, sua constitutio Alcorano fundatur.
Praevalens inclinatio stricta est Wahhabismi via, intra Sunnitum Islamismum.
Publica cuiusvis religionis absque Islamica praxis vetatur. Haec intolerantia variarum vituperationum de reliqui mundi societatibus destinatum est. Verbi gratia, anno 2003, Procurationis Civitatum Foederatarum Americae de Libertate Religiosa (Anglice: U.S. Commission on Religious Freedom), civilis consociationis violationes libertatis religiosae indagans, dixit Arabiam Saudianam fuisse pessimam nationem religiosarum libertatum violatoriam.
Varii casus, inter quos casus professoris Machometi Al-Harbia, secundariae scholae professoris 40 carceris mensibus et 750 flagellis palam de Bibliis Sacris disceptando et de imagine Religionis Iudaicae positiva suis alumnis dando, causa condemnationis opinionis publicae internationalis fuit.
- Religio Islamica: 92,83%
- Religio Christiana: 4,54%
- Irreligiosi: 1,4%
- Religio Induica: 0,60%
- Religio Buddhistica/Sinica: 0,42%
- Religio Sichica: 0,19%
- Religio Bahaica: 0,02%
[recensere] Gastronomia
Localis esca conditissima est. Usitatae carnes gallinacea et vervecina sunt, suilla lege vetata. Inventissimae escae oryza, lentes, hummus (Arabice حُمُّص, ciceris massa), cultra (gallinae aut vervecinae veru), cebabum (Arabice کباب, cum sorbitione et leguminibus appositum), mezes (Arabice مزة, variata cupedia) et mihallabia (oryzae scriblita) sunt. Alcohol in natione vetatur. Ebrium inveni gravium problematum causa potest!!
Asia — Civitates |
Adrabigania | Afgania | Arabia Saudiana | Armenia | Baharina | Bangladesha | Birmania | Bruneium | Butania | Cambosia | Casachia | Quataria | Cuvaitum | Cyprus | Emiratus Arabi Uniti | Georgia | †Iaponia | Iemenia | India | †Indonesia | Iordania | Iraquia | Irania | Israel | Laotia | Libanus | Malaesia | Maldivae | Mogolia | Nepalia | Omania | Pakistania | †Philippinae | Respublica Coreae (Corea Meridionalis) | Respublica Populi Democratica Coreae (Corea Borealis) | Respublica Populi Sinae | Russia | Singapura | Sri Lanca (Taprobane) | Syria | Tadzikistania | Thailandia | †Timoria Orientalis | Turcia | Turcomannia | Usbecia | Vietnamia |
Asia — Territoria
|
Territoria Palaestinensia | Respublica Sinae (Taivania) †Etiam membrum Oceaniae est.
|