Pendolino
From Wikipedia
Pendolino es el nombre de una familia de trenos de alto prestor. Los Pendolino ivan ser dezvelopados por la entreprisa italiana Fiat Ferroviaria (andjak oy endia es Alstom). A los trénos se les yama ansi por el fonksionamiento baskulante ke permite a los trénos abokárse en las kórvas asia el lado interno de eyas, lo ke limita la forsa sentrifuga asia el lado de ahuéra, kon lo ke se achika la posibilidad de deskarilyar a alto prestor. El abokamiento maksimo de 8 grados permite ansi yegar a velosidades asta de un 30% mas ke los trénos ke no tienen este sistema, basho las mesmas kondisyones. El nombre Pendolino es una marka enrejistrada i ke identifika a todos los trénes baskulantes fabrikados por Fiat Ferroviaria.
Los Pendolino ofresen servisio en Italia con las siglas ETR 401 (de kolores blanko i vedre), ETR 450, ETR 460 i ETR 480 (kon kolores blanko i kolorado), i ETR 470 (kon kolores blanko i blu). Estos ultimos son los uzados para el servisio Cisalpino. Los trénos Pendolino ivan ser pensados para aumentar el prestor maksimo en lineas mas o menos tortuosas sin tener ke trokar la su jeometriya. Los ETR 480 van ser dotados de ekipos elektrikos politension (25 kV, 50 Hz) para poder uzar las muevas lineas de alto prestor italianas. Este sistema de abokamiento es kostoso, por lo ke munshos trénos en Italia no lo uzan a menudo, andjak ke kon el fraguamiento en Italia de muevas lineas de alto prestor, la mueva generasyon de trenos de alto prestot (ETR 500) no son abokantes. La mayor parte de los trenos Pendolino i los ETR 500 asen los servisios ke komersialmente se yaman Eurostar Italia.
Oy endia sirkulan trenes Pendolino en Almania, Suisa, Finlandia, Italia, Reyno Unido, Portugal, Republica Sheka y Eslovenia. Endemás se esta preparando una version para el su uzo en Khina yamada CRH-5.
[editar] El Pendolino en el mundo
La teknolojiya Pendolino es uzada no sólu en Italia, sino ke a sido eksportada para otros paezes tambien:
- El CDT 680 de la Repuvlika Sheka.
- El ETR 490 “Alaris” de Espanya, bazado en el ETR 470
- El “Alfa Pedular" de Portugal (antes yamado "Pendoluso", bazado en el ETR 460)
- El SZ 310 de Eslovenia. (bazado en el ETR 470)
- El “Virgin Class 390” del Reyno Unido.
- El Pendolino S220 de Finlandia (bazado en el ETR 460)
- El ETR 610 Cisalpino, bazado en el ETR 470 i uzado en servisios entre Suisa, Italia i Almania, bazado en el ETR 470
- Los trénos ETR 450, ETR 460, ETR 480 i ETR 600 uzados por Eurostar Italia
En Agusto de 2007, Karelian Trains iva ordenar 4 trénos de syete koches de ancho ruso (1520 mm) para uzarlos en la linea San Petersburgo-Helsinki a un prestor de 220 km/o. El tréno esta bazado en el Pendolino S220 uzado en Finlandia. Los servisios se espera empiesen enel anyo 2010.
La teknolojiya trénos abokavles no es eksklusiva de los trénos Pendolino. Tambien es uzada por los trénos suekos X2000, los IC-T/TD i RegioSwinger alemanes, el ICN suiso, el amerikano Acela Express, el tréno noruego BM73, el ostraliano Tilt Train i el espanyol TALGO 350
