Repuvlika Turkana del Norte de Kibris
From Wikipedia
|
La Repuvlika Turkana del Norte de Kibris (RTNK) (en turko: Kuzey Kıbrıs Türk Cumhuriyeti (KKTC) es un estado de fakto, ke controla el tersiyo nord de la adá de Kipre, en la Mar Mediterraneo Oriyental, serka de la kosta de la Turkiya, Libanon, Yisrael i Siriya. La ada de Kipre esta ubikada a 113 km al sud de la Turkiya i 120 km al oeste de Siriya.
La Turkiya es el uniko paez ke la rekonose ofisialmente komo un paez independiente, endemas, Bosnia i Herzegovina i Azerbaidjan rekonosen la su soverania komo un paez distinto al sektor gréko, ma no tienen ambasada en Lefkoşa, la sivdad kapital, i Paraguay i Gambia tienen intensiones de rekonoser a la RTNK en un futuro serkano; todos los demas goviyernos i las Nasyones Unidas rekonosen la soveranya de la Repuvlika Kipriyota sovre toda la ada. La Organizasyon de la Konferensiya Islamika rekonose a la Repuvlika Turkana del Norte de Kipre komo un estado konstituyente, basho el nombre de Estado Turko Kipriyota. El resto del mundo rekonose la ada komo la Repuvlika Kipriyota, una ada-nasyon, i myembro de la Union Evropea. La RTNK deklaro la su independensia en el anyo 1983,La su deklarasyon de independensia fue deklarada "ilegal" por las Nasyones Unidas, al ekstremo de ke solo konsidera al presidente elekto de la "Komunita Turkana de la Repuvlika Kipriyota" komo un haver para las negosiyasyones sovre el futuro de la ada.
En la ada tanbyen se enkontran las bazes de la armada del Reyno Unido de Akrotiri i Dhekelia.
