Vladimir Putin

From Wikipedia

Vladímir Vladímirovich Putin (en ruso: Владимир Владимирович Путин) (Leningrado, Union Sovietika, 7 de Októbre de 1952), politiko ruso. Es el dosen i aktual presidente de Rusia desde la disolusyon de la Union Sovietika.

[editar] Inisios komo fonksionario

Putin nasyo en Leningrado (oy endia San Petersburgo) el 7 de Októbre del anyo 1952. Dempues de akabar con egzito los sus estudios de Dirito en la Universitá de la su sivdad natal (la su tesis fue sobre la politika de Estados Unidos en Afrika), fue admitido en la KGB, donde fue delegado en la direksion prinsipal Asuntos Eksteriores. Del anyo 1985 a 1990 bivio en Dresde (Repuvlika Demokratika Almana) en la unitá de investigasion politika i militar. Dempues de el serramiento del buró de la KGB en Dresde en 1989 retorno a Leningrado en 1990. Tiempo dempues fue nombrado asistente del rektor de la Universitá de Leningrado, donde se lavoró kon el programa de relasiones internasionales. Dempues fue konseshero del presidente del Konsesho de la sivdad. En Djunio de 1991 se konvirtio en presidente del Komité de Relasiones Eksteriores de la sivdad de San Petersburgo. El su papel era prinsipalmente atraer inversores i dezvelopar la kolaborasyon kon los haverim de otros paezes.

[editar] Dempues de la KGB

Durante el intento de golpe de estado kontro de Mikhail Gorbachov en Agosto de 1991, Putin renunsio a la KGB. De 1994 a 1996 lavoró komo vizealkalde de la sivdad de San Petersburgo, kuyo alkalde, Anatoli Sobchak fue su profesor en la eskola de Diríto. En Agosto de 1996 fue nombrado vize-director de Asuntos Eksteriores del presidente Boris Yeltsin. Dempues de Marso de 1997 fue uno de los ombres mas serkanos al shef de la administracion del presidente Yeltsin. En Djulio de 1998 fue nombrado direktor del FSB (Servicio Federal de Seguridad), la ajensia ke susedio a la KGB.

En 1999 empieso a subir politikamente. En Agosto fue nombrado primer ministro del governo de Yeltsin, ken desidio aserlo el su susesor. A empieses de setiembro, en reaksion al atako de los terroristas chechenos, Putin ordeno aksiones militares en Chechenya. Este empiese de la Dosen gerra chechena lo iso el politico maz popular de Rusia. El 31 de Diziembro de 1999, dempues de la renunsia de Borís Yeltsin, se konvirtio en presidente provisional. El 26 de marso de 2000, en las eleksiones presidensiales, fue elejido presidente de la Federasyon Rusa en la primera vuelta kon 53% de los votos. La su administrasyon a dezvelopado una politika de aserkamiento a Evropa, espesialmente Fransia y Almania.

Putin es un politiko ruso poko komun. Djovin, abstemio (no bebe alkóol), esportista: praktika la lucha rusa (sambo) i el djudo desde los 11 anyos, djoga tenis, praktika eski. Endemas, favla kon fluides inglez i alman. La su esposa es una maestra de eskola i es padre de dos ijas. Tiene una muy serkana amistad kon Gerhard Schröder, kon ken tyene en komun entre otras kosas, el ser de orijen umilde.

[editar] Kritika i kontroversia

Putin a sido muy kritikado por los medios de komunikasyon oksidentales déke la gran kantidad de djornalistas muertos durante el su governo; munshos de eyos estaban abediguando violasiones de Diritos Umanos en Chechenya o faktos de korrupsyon del governo.

Uno de los kazos mas konosidos es el de la djornalista Anna Politkovskaya, ken eskrivio libros komo "La Rusia de Putin" o "El ginnam de Chechenya"; eya abia deklarado aver resivido amenasas de muerte i tentado ser envenenada. Finalmente el 7 de oktobre de 2006 fue ankontrada morta en el asensor de la frágua donde bivia en Mosku. Aleksander Litvinenko fue un ex-espia ruso envenenado kon polonio-210, asigun medios de komunikasyon oksidentales por las sus kritikas al governo de Putin i kando se abediguaba la morte de Politkovskaya empeso a resivir amenasas de morte. El governo de Putin a negado toda relasyon kon la muerte de eyos, ekspresando ke podria demandar a kenes tenten aser dányo al governo ruso sobre el tema.

El deputado de la Duma, Aleksander Hinstein, a sugjerado un plan okulto para danyar la Rusia i el governo de Putin, ke se enkontra en oposisyon a la politika internasional del governo estadounidense de George W. Bush. El governo de Putin supuso un augmento eksponensial de la presión endriva la oligarkiya nasida de las privatisasiones de las entrepirsas durante el governo de Yeltsin. Alkunos de estos oligarkas kon dilitos fiskales (i de otro tipo) eskaparon del paez i empesaron a kritikar abiertamente i munshas vezes sin baza a Putin. Una vez Boris Berezovski, un konosido oligarka avrigado en el Reyno Unido, disho ke esta preparando un aharvo en kontro de Putin.

Las libertades demokratikas an sido achikadas, kon medidas politikas (nombramento direkto de los Governadores de las provensias, kuando antes era en eleksiones) i kulturales (emposisiyon del alefbet siriliko para eskrivir las lashones minoritarias de Rusia) i endemas se pusieron obstakolos a la kriasyon de muevas ONGs.

Ekonomikamente ay menos kritikas kontro de Putim déke Rusia a ganado munshas parás kon la subida del presio del petroleo en el merkado mundial, pero endemas la amijorasion del sistema de impostos, ke a enchikesido la evasyion fiskal. Endemas, una reforma legal avrio a la inversion ajéna sektores serrados, komo la agrikultura. Myéntres ke la prensa oksidental kritika a Putin akorrúto, la opinion de los sivdadanos rusos i oksidentales es diferente. Ansi, en Agosto del anyo 2007 un 84% de los rusos suportaban a Putin, asigun Levada-Center.

Véanse las imájenes de Commons sovre Vladimir Putin.