Lorry-Rail S.A.
Vu Wikipedia, der fräier Enzyklopedie.
*rout: realiséiert
*blo: geplangt
*greng: an der Studiephas
Lorry-Rail S.A. ass eng lëtzebuergesch Gesellschaft mat internationalen Partner, déi gegrënnt ginn ass, fir den Transport vu Semi-remorquen ouni Chauffeur iwwer d'Schinne vu Beetebuerg op Le Boulou bei Perpignan, un der spuenescher Grenz z'organiséieren an duerchzeféieren, eng Streck vun 1.050 Kilometer, an zwar op der Basis vun engem deegleche Service.
Inhaltsverzeechnis |
[Änneren] Missioun
- Duerch dëse Projet ass eng méi wéi 1000 km lang Bunnestrooss tëschent Beetebuerg a Perpignan geschafe ginn, déi fir d'Transporteuren an och fir d'Ëffentlechkeet eng Partie Avantage bruecht huet.
- Avantagen
- Fir d'Transportgesellschaften:
- Ofkierzung op 13,5 Stonnen vun der Dauer vum Transport duerch Frankräich.
- Aspuerunge vu Péage-Käschten, vu Bensin oder Diesel, an och wat d'Ofnotzung vu Pneuen ugeet.
- Aspuerunge vu Personalkäschten, an deem Mos wou d'Semi-Remorquen ouni Chauffeur ënnen transportéiert ginn, an et den Transportgesellschafte fräigestallt bleift, mat enger Partnergesellschaft um Terminus Beetebuerg oder Perpignan hir Personalproblemen ze léisen.
- Fir d'Allgemengheet:
- Entlaaschtung vu de Stroossen.
- Schounung vun der Ëmwelt duerch d'Verréngerung vun den Ofgasen.
- Fir d'Transportgesellschaften:
[Änneren] Partner
Lorry-Rail ass gegrënnt gi vun engem Consortium vu Partner, déi sech zesummenfonnt hunn, fir hiren Know-How um Gebitt vun enger neier, moderner Transportformel anzesetzen. Dës Partner sinn:
- Groupe mondial de concessions, construction : Vinci Concessions. Vinci ass et drëm gaangen, fir eng Alterativ zum Stroossentransport ze schafen.
- D'Finanzgesellschaft: La Caisse des Dépôts, déi dës Initiativ ënnerstëtzt huet.
- D'industriell Konzept-Firma : Modalohr (Grupp Lohr), déi eng Léisung fond huet, fir Semi-Remorque séier op Waggonën ze lueden an se iwwert d'Schinnenetz ze transportéiren.
- D'franséisch Eisebunn: Société Nationale des Chemins de Fer Français (SNCF).
- D'Lëtzebuerger Eisebunnsgesellschaft Chemins de Fer Luxembourgeois (CFL), déi sech mat der SNCF zesummegedoen huet, fir iwwer eng gemeinsam Filial dës Alternativ mat den Endpunkte Beetebuerg a Perpignan a Wiirklechkeet ëmzesetzen.
[Änneren] Geschicht
- 15. Juni 2004: Signature vun engem Protocole d’accord tëschent der Caisse des Dépôts et Consignations (CDC), de Gesellschaften Autoroutes du Sud de la France (ASF) a Modalohr, deen eng Reflexioun iwwwer d'Ausféierung vun engem Wuerentransport-Projet mat Semi-Remorquen iwwer d'Schinnen tëschent dem Norden an dem Süde vu Frankräich ageleet huet
- Abrël 2005: D'Memberen hu sech engagéiert, fir dëse Projet ze verdéiwen, sou datt hie spéider zur Schafung vun enger Projetsgesellschaft féiere kënnt.
- Hierscht 2005: D'SNCF (Société Nationale des Chemins de Fer Français) an d'CFL (Société Nationale des Chemins de Fer Luxembourgeois) hu sech den dräi vierege Partner ugeschloss.
- 12. Dezember 2005: Formalen Accord tëschent de Partner an der Lëtzebuerger a Franséischer Regierung mat dem But, den neie Service den 31. Mäerz 2007 ze starten.
- 29. März 2006: Grëndung vun der Gesellschaft Lorry-Rail S.A. mat engem Gesellschaftskapital vu 5 Milliounen Euro an Ernennung vum Lëtzebuerger Nicolas Welsch zu hirem Generaldirekter.
- 3. Abrël 2006: D'Transportministere vu Frankräich a Lëtzebuerg ënnerschreiwen zesummen eng Declaratioun, an deeër se hire Wëlle bekräftegen, fir zum Gelenge vun dësem Projet bäizedroen.
- 29. März 2007: Éischte Versuchs-Chargement a -Déchargement vu Camionen am Cader vum neie Projet.
- 10. September 2007: Démarrage vum neie Service.
