Rudolf Diesel
Vu Wikipedia, der fräier Enzyklopedie.
De Rudolf Christian Karl Diesel (* 18. Mäerz 1858 zu Paräis; † 29. September 1913 erdronk am Äermelkanal) war en däitschen Ingenieur an Erfinder.
No engem Studium am Maschinnebau gouf de Rudolf Diesel e Mataarbechter vum Carl von Linde an huet sech mat dem Bau vu Wärmekraaftmaschinnen ofginn.
1893 gëtt an der Maschinnefabrik Augsburg mat finanzieller Bedeelegung vun der Firma Friedrich Krupp un der Entwécklung vun engem Dieselmotor geschafft. 1897 geléngt et dem Rudolf Diesel, deen deemools och bäi der Firma MAN AG zu Augsburg geschafft huet, deen éischte Modell vun deem Motor ze bauen, deen och ouni gréisser Problemer leeft. OP déi Manéier konnte bëllegen Ueleg mat gerengem Verbrauch benotzt ginn.
Duerch Patentprozesser war de Rudolf Diesel a sénger Aarbecht staark behënnert a konnt eréischt 1908 d'Weiderentwécklung vu séngem Motor virundreiwen, esou datt si a Camionen a Lokomotiven gebraucht konnte ginn.
Iwwer den Doud vum Rudolf Diesel ass net vill bekannt. En as vir d'Lescht u Bord vum Dampschëff Dresden gesi ginn, mat deem e vun Antwerpen op London fuere wollt fir do un enger Reunioun vun der Consolidated Diesel Manufacturing Ltd. deelzehuelen. En ass awer ni do ukomm. Spéider solle Fëscher zwee Réng bäi enger gutt gekleeter Waasserläich fonnt hunn, déi allerdéngs wéinst engem Stuerm ne konnt gebuerge ginn. Et gëtt gesot, datt dei Réng dem Rudolf Diesel gehéiert hunn. Déi genee Doudesëmstänn konnten ni gekläert ginn.
