Bratislava
Van Wikipedia
Dit artikel is gesjreve in 't Remunjs. 't Weurt gewaardeerd óm in dit artikel 't Remunjs aan te hauwe of aan te gaeve welk anger dialek gebroek is.
Bratislava is de hoofstad van Slowakije en is mit zien 450 000 ouch drèk de grootste sjtad van det landj. De populasie van 't algehele metropool gebied is rondj de 600,000 miense. Bratislava lègk in 't zuid-weste van Slowakije, aan beide oevere van de Donau en is de innige nationale hoofsjtad ter waereld dae grèns aan twee lenjer, namelik Oosteriek en Hongarije.
Bratislava is 't politieke, culturele and ekonomische centrum van Slowakije. De sjtad bevat de zetel van de Slowaakse president, 't parlement en gouvernement. Verder zeen d'r in de sjtad versjiedene universiteite, musea, theaters, gallerieje en anger belangrieke ekonomische, culturele en educationele instituties. Väöl grote bedriever en finansiële instituties van Slowakije zeen in Bratislava gevestigd.
De sjtads gesjiedenis is sterk beïnvloed door anger volkere, es Oosteriekers, Tsjeche, Duitsers, Hongare, Jode, maar ouch natuurlik door Slowake zelf. De stad, Pressburg tot 1919, woor 'n belangriek ekonomisch en administratief centrum van 't keuninkriek van Hongarije en later ouch vanne Habsburgse Monarchie. Bratislava woor de plaats vanne Slowaakse nationale bewaeginge in de 19e eew en ouch woonplaats van väöle historische slowaakse figure wo onger Milan Rastislav Štefánik en Alexander Dubček.
[bewirk] Name
Op 27 maart 1919, waerde Bratislava de officiële naam, maar de aafkoms van deze naam is onbekindj. 'ne Variant op Bratislava waerde gerekonstrueerd door Pavel Jozef Šafárik in de dertiger jaore van de 19e eew. Van aje name leide hae aaf det ze van de Boheme hèrser Bretislav I aafkwome. 'n Inscriptie van Braslava of Preslava woor gevonje in 'ne aje muntj gedrökd door Keuning Stefanus I van Hongarije. Deze muntj dateerde van 1038. De naam waerde veur de irste keer gebroek door lede van de Slowaakse bewaeging in de veertiger jaore van de 19e eew.
Name valle op in de historie van Bratislava, name es 't Latiense Posonium (kömp veur 't irs veur in de 13e eew), 't Griekse Istropolis (1465), 't Duitse Pressburg of Preßburg (15e eew), 't Slowaakse Prešporok, en 't Hongaarse Pozsony (19e eew, wörd nog stèds gebroek in Hongarije).
Veur 1919 gebroekte Ingelse sjrievers de Duitse naam, meistal gespeld es Pressburg of Presburg. Pressburg is standard spelling gewaore in Duitslandj nao de Duitse spelling herzening in 1996.
[bewirk] Bronne
