Euverlèk:Limburgs
Van Wikipedia
Hoi, oonder d'r kop taalverlees-taalbehaod sjteet dat in Vlaandere van 1950 bis 1970 de volkstaal ('t plat dus) negatief beoordeeld woaërd. Dao klopt noe 'ns gaar niks van. Wae bedeenkt zoeget? Zieëker bies in de 90ter jaore waor die houding e-zoe en die is och hieël lang zoe gewaes. Ursj waor 't Frantalige Vlamsje bourgeoisie die neerzoog op de minderwaardige dialecte in Vlaandere en de luuj die ze kalde. Saer de inveuring van 't ABN es officiëel taal in d'r tied van Gezelle bleef die attitude behaowe. Mae noe van d'r ABN-sjpraeëker nao d'r Plat-kaller toe. Vlaminge haant 't ABN ten koste van hun plat gelieërd en dat is dus op 'n gaans aander meneer gegange es hie in Limburg. 't Idee dat 't plat 'n minderwaardige taal zow zieë, is väöl langer, in 'n väöl groeëter gebied en väöl fundamenteler in de luuj ingepreent. Of me 't vergeliek mit Haeële kint make, wat 'n heroplaeving - die noe toch wal qua houding (dus nog lang neet 't hergebroek van 't plat)an de geng is - aa-geet, vin ich dan och hieël discutabel. Wat neet wilt zigke dat 't neet mäögelek is. Ik trof oeëts 'ns 'ne owwere Breton dae eeges gee bretoens mie kalde mae z'n klingkeender lieërde de taal wer op de sjoeële. Of d'r baand van Vlaminge mit hun dialecte aeëve sjtaerk is es d'r baand van Bretonne mit hun taal, mot ich da och wer betwiefele.--Mergelsberg 15 dec 2006 15:23 (CET)
