Oppersorbisch
Van Wikipedia
Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.
't Oppersorbisch is 'n klein Wes-Slavische taol die in 't ooste vaan Duitsland gesproke weurt. Nao sjatting kinne 40.000 lui de taol spreke; mesjiens 15.000 daovaan zien mojertaolsprekers. De Oppersorbe höbbe Bautzen es cultureel centrum.
't Sorbisch is nao d'n Twiede Wereldoorlog in twie officieel taole oeterein gevalle: 't Oppersorbisch en 't Nedersorbisch, dat te noorde daovaan in Brandeburg gesproke weurt. Bei taole zien hendeg awwerwets en höbbe väöl buigingsvörm: de taole höbbe zeve naomvalle en drei grammaticaal getalle; neve inkelvoud en miervoud ouch nog dualis. Zoe is 't bev. ruka "hand", ruce "twie hen" en ruki "hen vaan mie persone".