Ibn Battuta
Da Wikipedia
Shams ad-Din Abu Abd Allah Muhammad ibn Muhammad ibn Ibrahim al-Luwati at-Tanyi (in arabo, شمس الدين أبو عبد الله محمد بن محمد بن إبراهيم اللواتي الطنجي), conosciûo comme Ibn Battuta (ابن بطوطة), o l'è stæto 'n 'viaggiatô e esploratô marochin d'origgine berbera, nato a Tangeri o 17 Rajab de l’anno islamico 703, corispondente ao 25 Frevâ 1304, e mòrto a Fez in 1377 (òu 1369).
O l'è partîo da sêu çittæ de Tangeri a 21 anni in 1325 pe o sêu primmo viaggio, percorendo l'Egitto, A Mecca e l'Iraq. Ciû târdi o l'è andæto a Yemen, l'Africa Orientâ, e rive do sciûmme Nilo, l'Asia minô, a costa do Mâ Neigro, Crimea, Sciria, Rûscia, Afghanistan, l'India, e ìsoe da Sunda (in Indonexia) e o sûd da Cinn-a. O l'ha dòpo viscitòu ascì Granada, Spagna, c'a l'ëa ancon capitâ di tæritoi arabi inta Penìsoa Iberica, o l'ha attraversòu o Sahara co-e caravann-e de Tomboctou e i sêu ûrtimi anni ghe l'ha passæ a Maròcco, a sêu naçion.
Comme testimon di sêu viaggi o l'ha lasciòu 'n'êuvia intitolâa "Tuhfat annozzâr fi ajaib alamsâr" c'o g'ha dettòu ao sêu segretäjo, a quæ a conta varrie sêu avventûe e imprexioin comme esploratô.
In totâle, Ibn Battuta, “o Marco Polo de l'Islam”, o l'ha percorso 120.000 km. in 28 anni de viaggi, da Mali a Rûscia e da Maròcco a Cinn-a.
Attualmenti, a çittæ de Dubai ghe l'ha dedicòu 'n çentro commerçiâ tematego, l'Ibn Battuta Mall, ûn di ciû grendi de l'Oriente Mëzo.