Agama

Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.

[sunting] Prakata

Makna kata agama kuwe akeh, salah sijine yakuwe: Percaya maring Maha Pencipta. Percaya kuwe artine: taat karo patuh maring ajaran-ajaran Maha Pencipta kanggo tuntunan urip menungsa. Maha Pencipta kuwe makna ringkase yakuwe bisa nyiptaaken apa baen kecuali awake dhewek, sebab angger bisa nyiptaaken awake dhewek brarti ana sing sebanding, ana kancane sing setara, kuwe dudu Maha maning jenenge.

Maha Pencipta kuwe anane sekang 2 tembung: Maha karo Pencipta. Maha kuwe artine ora nana sing sebanding, setara, apamaning sing bisa ngalaih. Brarti dheweke siji thok utawa bisa uga diarani Maha Esa utawa Yang Maha Esa utawa Tuhan. Pencipta kuwe arti ringkesé tukang gawe, ning sing penting apa sing digawe apa sing dicipta karo kanggo ngapah kuwe dicipta ?.

Sing jenenge nggawe utawa nyiptaaken sesuatu mesthi ana kagunaane, ana fungsine, ora sia-sia. Menungsa, kuwe salah siji ciptaane Tuhan sing ana fungsine, ana kagunaane. Angger wis crita fungsi utawa kagunaan brarti kudu ana ajaran, ben fungsine dadi bener, uga kudu ana kepercayaan utawa percaya, ben manut maring ajaran kuwe. Sing ora percaya maring Maha Pencipta kuwe diarani Ateis.

Percaya karo manut maring ajaran kuwe akeh kaitane karo mutu utawa kwalitas. Sing jenenge ajaran (materi ajaran = subject) kuwe tergantung banget karo 3 syarat: sing ngajari, isi ajarane, karo sing diajari. Kasile mengko yakuwe nang mutu utawa kwalitas kepercayaan maring agama kuwe utawa biasa disebut kualitas iman. Angger sing ngajari bener, materi ajarane bener, sing diajari juga bener, kasile uga bisa bener, kaya kuwe uga sewalike.