Lingkar gunung api pasifik
Sekang Wikipédia, Ènsiklopédhi Bébas basa Banyumasan: dhialék Banyumas, Tegal, Cirebon karo Jawa Serang/Banten lor.
Contents |
[sunting] Prakata
Lingkar Gunung Api Pasifik utawa Lingkar Api Pasifik (basa Inggris: Ring of Fire) kuwe wilayah sing sering banget ngalami gunung mbledug merga nang kana akeh pisan gunung berapine. Lingkar gunung api Pasifik kiye ngelilingi cekungan samudra Pasifik.
Ring of fire kiye uga biasa diarani sirkum pasifik. Daerah kiye bentuke mirip tapal kuda, cakupan wilayahe dawane kuwe sekitar 40.000 km. Daerah kiye uga biasa diarani sabuk lindu Pasifik.
Ring of fire kiye kebentuk akibat pirang-pirang lempeng tektonik sing saling desak saling tumbuk karo lempeng tektonik gede yakuwe lempeng samudra pasifik. Patahan-patahan nang sisi masing-masing lempeng kuwe marakna kebentuk rekahan-rekahan sing dadi saluran metu magma nang ngisor kerak bumi.
[sunting] Sing Mbentuk Ring of Fire
Sing mbentuk ring of fire yakuwe tumbukan antara:
- lempeng Pasifik nang tengah-tengah karo
- lempeng Australia
- Bismarck
- Carolina
- Filipina
- Eurasia
- Amerika utara
- Juan de Fuca
- Cocos
- Karibia
- Nazca
- Amerika selatan
- Skotia terakhir karo
- lempeng Antartika
[sunting] Ring of Fire nang Indonesia
Nang Indonesia, rangkeyan gunung berapi kiye umume nang wilayah wetan Indonesia yakuwe gunung-gunung berapi nang Papua, Maluku karo Sulawesi.
Angger rangkeyan gunung berapi sing molai sekang kepulauan Banda, pulau Timor, terus nang Nusa Tenggara Barat, Bali, Jawa, Sumatera terus ming Kepulauan Andaman ngantek nyambung ming pegunungan Himalaya kuwe jana ora termasuk jalur gunung api pasifik kiye ning termasuk sabuk Alpide. Mung bae kadang-kadang disebut termasuk ring of fire merga enggone pedhek pisan karo.
[sunting] Ring of Fire & Lindu
Seliyane dadi pusat rangkeyan gunung berapi utama donya, wilayah kiye uga otomatis dadi wilayah sing biasa ngalami lindu, kuwe merga pertemuan lempeng-lempeng tektonike kuwe pedhek karo enggon rangkeyan gunung berapi. Mulane sekitar 90% kedaden lindu nang donya kiye anane ya nang jalur kiye, uga 81% lindu skala gede nang donya kuwe kedadeyane ya nang kene uga.
[sunting] Ring of Fire & Tsunami
Pertemuan lempeng tektonik sing mbentuk ring of fire kuwe umume nang ngisor dhasar segara malah meh 100%, kuwe artine angger sisi-sisi lempeng kuwe patah sing brarti timbul lindu, kuwe umume hiposenter lindune nang ngisor segara kuwe utawa potensial banget nimbulna tsunami.
[sunting] Deleng Uga
mBalik ming:
