Philibert Tsiranana
Avy amin'i Wikipedia
Teraka tamin'ny taona 1912 tao Ambarikorano, Mandritsara ao amin'ny faritanin'i Mahajanga.
Nianatra tao amin'ny sekoly ambaratonga voalohany tao Anjiamangirana tao Antsohihy izy. Nanohy ny ambaratonga faharoa fototra tao Analalava tamin'ny taona 1926, ary ny taona 1930 no nidirany tao amin'ny sekoly Le-Myre-de-Vilers ; tao no nahazoany ny diplaoma naha-mpampianatra azy tamin'ny faharoapolo taonany.
Rehefa nampianatra nandritra ny 12 taona izy dia nanao fanadinana hiditra tao amin'ny "Ecole Normale de Montpellier" tamin'ny taona 1946, ka rehefa vita ny 4 taona nianarany tao dia nampianatra tao amin'ny Fampianarana Teknika tao Antananarivo.
1949 : nomena ny mari-pankasitrahana "Chevalier de l'Etoile d'Anjouan".
1950 : "Chevalier de l'Etoile de la Grande-Comore".
14 jolay 1954 : nahazo ny "Mention Honorable de l'Enseignement".
1952 : voafidy ho Mpanolotsainan'ny faritanin'i Mahajanga.
2 janoary 1956 : voafidy ho solombavambahoaka tao amin'ny faritra andrefana.
1956 : tamin'ny faramparan'io taona io no nananganany ny antoko P.S.D (Parti Social Démocrate de Madagascar et des Comores).
Mey 1957 : voatendry ho ministra ; avy teo voatendry ho Filoha lefitry ny Mpanolotsainan'ny governemantan'i Madagasikara.
Jolay 1958 : notendrena ho filohan'ny Mpanolotsainan'ny Governemanta.
14 oktobra 1958 : nomem-boninahitra ho Filohan'ny Governemanta vonjimaika rehefa nambara ho Repoblika miankin-doha i Madagasikara.
1 jolay 1959 : nivory ny Antenimieram-pirenena ka nametraka ny fitokisany - tamin'ny alalan'ny vato 113 tamin'ny mpifidy 114 - tamin'ity zanaka tantsaha avy any Anahidrano, Antsohihy ho Filohan'ny Repoblika Malagasy voalohany.
26 jiona 1960 : nahazo ny fahaleovantenany madiodio i Madagasikara.
30 martsa 1965 : voafidy fanindroany hitondra ny firenena i Philibert Tsiranana.
30 janoary 1972 : voafidy fanintelony ho filoha izy.
Aprily - mey 1972 : nanomboka nisy korontana, be ny mpanohitra ny fitondrana.
13 mey 1972 : tolon'ny mpianatra teo amin'ny kianjan'ny Fahaleovantena teo Analakely, ka nahatonga ny fionganan'ny fitondrana Tsiranana.
