व्यास (भूमिती)
Wikipedia कडून
वर्तुळाच्या मध्य बिंदूमधून जाणार्या व त्याच्या परिघावरील कोणत्याही दोन बिंदुना जोडणार्या सरळ रेषेस वर्तुळाचा व्यास असे म्हणतात. अशी ही रेषा वर्तुळास दोन समान भागात दुभागते. अशा रेषेच्या लांबीस सुद्धा व्यासच म्हटले जाते. वर्तुळाच्या व्यासाची लांबी त्याच्या त्रिज्येच्या दुप्पट असते. व्यास ही वर्तुळाची सर्वात मोठी ज्या आहे. एखाद्या वर्तुळात अगणित व्यास काढता येतात व सर्व व्यासांची लांबी सारखीच असते. त्रिज्येप्रमाणेच, वर्तुळाचा व्यास माहीत असल्यास परीघ व क्षेत्रफळ यांची माहिती मिळते.
d = व्यास , c = परिघ , A = क्षेत्रफळ
इंग्रजी प्रतिशब्द: diameter.